ئەمڕۆ لە پاڵ نمایشکردنی زنجیرە مۆبایلی Poco F8، پۆکۆ دوو تابلێتی نوێی خستە بازاڕەوە کە هەریەکەیان تایبەتمەندی بەهێز و جیاواز لەخۆدەگرن بۆ بەکارهێنەران.
تابلێتی Poco Pad X1
ئەم تابلێتە دیزاینێکی تەنک و سووکی هەیە (تەنها ٦.١٨ ملم و کێشی ٥٠٠ گرام). خاوەنی ڕوونمایەکی زۆر ڕوونە بە وردی 3.2K و تێکڕای نوێبوونەوەی ١٤٤ هێرتز، کە وێنەکان بە جوانی و ڕەنگی زەق پیشان دەدات. لە ناوەوە، پڕۆسێسەری بەهێزی Snapdragon 7+ Gen 3ـی تێدایە کە بۆ یاری و کاری قورس گونجاوە. هەروەها پاترییەکی ٨٨٥٠ میلی ئەمپێری هەیە بە پشتگیری بارگاوی کردنەوەی خێرا ٤٥ وات، لەگەڵ تایبەتمەندییە زیرەکەکانی Xiaomi HyperAI و Google Gemini.
تابلێتی Poco Pad M1
ئەم مۆدێلە زیاتر جەخت لەسەر مانەوەی پاتری و ڕوونمای گەورە دەکاتەوە. خاوەنی ڕوونمایەکی ١٢.١ ئینچییە بە وردی 2.5K و تێکڕای نوێبوونەوەی ١٢٠ هێرتز. تایبەتمەندی هەرە دیاری ئەم تابلێتە پاترییە زەبەلاحەکەیەتی کە ١٢٠٠٠ میلی ئەمپێرە و دەتوانێت بۆ ماوەیەکی زۆر کار بکات، تەنانەت دەتوانێت وەک پاوەر بانک ئامێری تر بارگاوی بکاتەوە (٢٧ وات Reverse Charging). پڕۆسێسەری Snapdragon 7s Gen 4ـی لەسەرە و چوار بڵندگۆی بەهێزی هەیە.
نرخە سەرەتاییەکان (Early Bird):
-
Poco Pad X1: بۆ ڕامی ٨ گێگابایت و بیرگەی ٥١٢ گێگابایت: نرخی ٣٢٩ دۆلار.
-
Poco Pad M1: بۆ ڕامی ٨ گێگابایت و بیرگەی ٢٥٦ گێگابایت: نرخی ٢٧٩ دۆلار.
from کەی ئای تی ئێن https://ift.tt/RaK6CAj
via IFTTT
.png)
0 تێبینیەکان