تاوەکو ئێستا گووگڵ ئاشکرای نەکردبوو بەکارهێنەرانی زیرەکی دەستکردی جێمینای دەتوانن ڕۆژانە تاوەکو چەند چاتبۆتەکە بەکار بهێنن بەڵام ئەمڕۆ کۆمپانیاکە ئاشکرای کرد.
بەکارهێنەرانی خۆڕایی جێمینای ڕۆژانە تەنها دەتوانن 5 پرسیار لە مۆدێلی Gemini 2.5 Pro بکەن لە کاتێکدا بەکارهێنەرانی جۆری Google AI Pro دەتوانن ڕۆژانە 100 پرسیار و بەکارهێنەرانی جۆری Google AI Ultra دەتوانن ڕۆژانە 500 پرسیار لەم مودێلە بکەن.
ئەگەر باس لە دۆخی Deep Research بکەین کە بۆ گەڕانی ورد و درشت بەکار دێت، بەکارهێنەرانی خۆڕایی دەتوانن مانگانە 5 جار و بەکارھێنەرانی جۆری پرۆ دەتوانن ڕۆژانە 20 جار و بەکارھێنەرانی جۆری ئەڵترا دەتوانن ڕۆژانە 200 جار بەکاری بهێنن. وە بۆ درووستکردنی وێنە و دەستکاری کردنی، ئەوانەی جۆری خۆڕایی دەتوانێت تاوەکو 100 وێنە ڕۆژانە درووست بکات یاخوود دەستکاری بکات، هەروەها جۆری پرۆ و ئەڵترا دەتوانن تاوەکو 1,000 وێنە درووست بکەن یان دەستکاری بکەن. هەرچی بۆ درووستکردنی ڤیدیۆیە، جۆری خۆڕایی پشتیگری لێ ناکات و جۆری پرۆ ڕۆژانە 3 ڤیدیۆ و جۆری ئەڵترا ڕۆژانە 5 ڤیدیۆی پێ درووست دەکرێت.
from کەی ئای تی ئێن https://ift.tt/KtXmlw7
via IFTTT
0 تێبینیەکان