کاتژمێر و مۆبایلە زیرەکەکانی سامسۆنگ لەوانەیە لە داهاتوودا یارمەتیدەر بن لە دەستنیشان کردنی پێشوەختەی زەهایمەر

کاتژمێرە زیرەکەکان لە ئێستادا دەتوانن بەکارهێنەران لە نەخۆشییەکانی دڵ ئاگادار بکەنەوە، چی دەربارەی نەخۆشی زەهایمەر (Alzheimer’s disease)؟ نەخۆشی زەهایمەر نەخۆشییەکی تێکچوونی دەمارییە و گەورەترین هۆکارە بۆ لەبیرچوونەوە. سامسۆنگ تەکنەلۆژیایەکی نوێی پەرەپێداوە بۆ چاودێری کردنی کەمبوونەوەی ڕێژەی توانای مێشک (Cognitive decline) لە ڕێگەی مۆبایل و کاتژمێری زیرەکەوە.

ئەم چاودێری کردنە لە ڕێگەی بەدواداچوون بۆ کاتی بەکارهێنانی ئەپی مۆبایل و کاتژمێر، خێرایی نووسین، شێوازی نامە نووسین، پەیوەندیکردن، خەوتن و دەنگ دەبێت.

نیشانەکانی نەخۆشی زەهایمەر بریتین لە کەمبوونەوەی توانای بیرکردنەوە، بیرهاتنەوەی زانیارییەکان، کێشەی زمانەوانی، کێشەی سەرنجدان و تێکچوونی باری دەروونی و ڕەوشت و هەڵسوکەوت.

سامسۆنگ دوو توێژینەوەی کردووە، یەکەمیان تیشکی خستۆتە سەر شیکردنەوەی شێوازی نووسینی تەختەکلیلی مۆبایلە زیرەکەکان، وەک خێرایی نووسین و شێوازی ڕاستکردنەوەی وشەکان. هەروەها بۆ توێژینەوەی دووەم مۆبایل و کاتژمێری زیرەکی بەکارهێناوە بۆ بەدواداچوونی شێوازی ڕۆیشتن بۆ زوو دەستنیشانکردنی دابەزینی توانای مێشک.

سامسۆنگ لە ئێستادا بەردەوامە لە توێژینەوە بەڵام هیچ وادەیەکی دیاری نەکردووە بۆ بەردەست خستنی لە مۆبایل و کاتژمێرە زیرەکەکانیدا.

from کەی ئای تی ئێن https://ift.tt/iStbWzL
via IFTTT