چاویلکە زیرەکە نوێیەکەی مێتا پاترییەکەی دوو هێندە بەرگە دەگرێت

مێتا نەوەی نوێی چاویلکە زیرەکەکەی بە ناوی Ray-Ban Meta Gen 2 بە نرخی 379 دۆلار نمایش کرد. لەم نەوەیەدا چەندین گۆڕانکاری ئەنجام دراوە و دیارترینیان بریتییە لە باشتر کردنی پاتری کە ئێستا دەتوانیت بۆ ماوەی 8 کاتژمێر بە یەکجار بارگاوی کردنەوە کار بە چاویلکەکە بکەیت. هەروەها کەیسەکەی 42 کاتژمێر بەرگە دەگرێت و دەتوانیت نیوەی پاتری چاویلکەکە لە 20 خوولەکدا بارگاوی بکاتەوە.

هەروەها ئەم کامێرا نوێیە توانای تۆمار کردنی ڤیدیۆی بە ڕوونی 3K هەیە بە 30 وێنە لە چرکەیەکدا . هەروەها بە 1440 پێکسڵ هەمان ئێف پی ئێسی هەیە بەڵام ئەگەر بە ڕوونی 1200 پێکسڵ ڤیدیۆ تۆمار بکەیت دەتوانیت تاوەکو 60 وێنە لە چرکەیەکدا هەڵبژێریت.

مێتا تایبەتمەندییەکی گرنگی دەنگی بەردەست خستووە بە ناوی “conversation focus” کە بڵندگۆکانی سەر چاویلکەکە بەکاردەهێنێت بۆ بەرزکردنەوەی دەنگی کەسێک کە قسەی لەگەڵ دەکەیت. کێشی چاویلکەکە 52 گرامە و بیرگەی ناوەکی 32 گێگابایتە. هەروەها بڕوانامەی IPX4 هەیە بۆ ئەوەی بەرگەی پرشەی ئاو بگرێت.

from کەی ئای تی ئێن https://ift.tt/gAcw7Wq
via IFTTT