ئەدۆبی چەند تایبەتمەندییەکی نوێی بە زیرەکی دەستکرد بەهێز کراو بۆ فۆتۆشۆپ بەردەست دەخات. ئەم تایبەتمەندییانە ڕێگەت پێدەدەن زۆر بە ئاسانی کەسەکان و تەنەکان لە وێنەکاندا بسڕیتەوە یان زیاد بکەیت. هەروەها ئەم نوێکردنەوەیە بەرز کردنەوەی ڕوونی بە زیرەکی دەستکرد و ئامرازێک بۆ تێکەڵ کردنی تەنە نوێیەکان لەگەڵ وێنەکاندا بەردەست دەکات. ئەم ئامرازە بە “Harmonize” ناودەبرێت و کاتێک تەنێک زیاد دەکەیت ئەوا ڕاستەوخۆ ڕەنگ، ڕووناکی، سێبەری وێنەکە ڕێک دەخات. ئەم کردارانە پێشووتر کاتێکی زۆر و لێهاتوویەکی زۆری دەویست بەڵام ئێستا تەنها بە چەند کلیکێک ئەنجام دەدرێت. لە ئێستادا ئەم تایبەتمەندییە بە شێوەی تاقیکاری بۆ فۆتۆشۆپ بەردەستە لەسەر وێب و دێسکتۆپ و ئەپی فۆتۆشۆپ بۆ iOS.
هەروەها ئەو ئامرازەی کە ڕوونی وێنەکان بەرزتر دەکاتەوە بە شێوەی تاقیکاری بەردەست دەبێت لەسەر وێب و دێسکتۆپ و ئەدۆبی دەڵێت دەتوانێت ڕوونی وێنەکان زیاد بکات بە بێ ئەوەی تایبەتمەندی وێنەکە لەدەست بدات. هەروەها ئامرازێک بۆ لابردنی تەنەکان بە شێوەیەکی خۆکارانە بەردەست دەبێت.
from کەی ئای تی ئێن https://ift.tt/nCtV0aU
via IFTTT
0 تعليقات
تێبینیت چیه له‌سه‌ر ئه‌م بابه‌ته..