لە کۆتاییدا مۆبایلی vivo X200 Ultra لە چین نمایش کرا. دوو چیپسێتی ISP تایبەت بە وێنەگرتن و چیسپێتی Snapdragon 8 Elite لە خۆ دەگرێت. هەروەها مۆبایلی vivo X200s نمایش کرا، کە لاشەکەی تەنک و پاترییەکی گەورە لە خۆ دەگرێت.
vivo X200 Ultra
مۆبایلەکە باشترینی زنجیرە مۆبایلی زنجیرەکەیە، بە ڕامی 12 گێگابایت و 16 گێگابایت بەردەست دەبێت لە جۆری LPDDR5X و بیرگەی تاکو 1 تێرابایت لە جۆری UFS 4.1.
ڕوونماکەی لە جۆری AMOLED بە پانێڵی LTPO و قەبارەی 6.82 ئینجە و ڕوونی +QHD و ڕووناکی کۆتایی دەگاتە 4,500 نیتە و تێکڕایی نوێ بوونەوەی 120 هێرتزە.
کامێراکانی سەرنج ڕاکێشترین بەشی مۆبایلەکەن، هەروەها دووگمەی “V” لە خۆ دەگرێت کە دووگمەیەکی قەدبڕە و دەتوانرێت بۆ چرکاندنی وێنەش بەکاربهێنرێت.
لە بەشی ناوەوەی، دوو چیپسێتی ISP تایبەت بە وێنە لە خۆ دەگرێت. کامێرای سەرەکی ڕوونی 50 مێگاپیسکڵە بە هەستەوەری LYT-818 کۆمپانیای سۆنی بە قەبارەی 1/1.28، هەروەها کامێرایەکی تێلەفۆتۆی 200 مێگاپیکسڵی لە خۆ دەگرێت بە هەستەوەری ISOCELL HP9 کۆمپانیای سامسۆنگ. لەگەڵ کامێرایەکی دیکەی گۆشەفراوان بە ڕوونی 50 مێگاپیسکڵ بە هەستەوەری LYT-818 کۆمپانیای سۆنی.
هەر چوار کامێراکەی توانای تۆمار کردنی ڤیدیۆی 4K و 120 وێنە لە چرکەیەکیان هەیە. هەروەها 4K و 60 وێنە لە چرکەیەک بە چالاک بوونی تایبەتمەندی Dolby Vision. کامێرای سێڵفییەکەشی ڕوونی 50 مێگاپیسکڵە.
ڤیڤۆ لێنزێکی تایبەتی بۆ کامێرای مۆبایلەکەش ڕاگەیاند، کە توانای نزیککردنەوەی 2.35 هێندەی هەیە، لەگەڵ بوخچەیەک لە کەل و پەلی دیکەی فۆتۆگرافی دیکە و پاترییەک بە قەبارەی 2,300 مللی ئەمپێر/کاتژمێری.
پاتری مۆبایلەکە قەبارەی 6,000 مللی ئەمپێر/کاتژمێرییە بە بارگاوی کەرەوەی 90 واتی وایەر و 40 واتی بێتەل. هەروەها بە دوایین وەشانی ڕووکاری OriginOS کار دەکات بنچینە لەسەر ئەندرۆید 15.
نرخی دەستپێکی مۆبایلەکە لە چین بریتییە لە 775 دۆلار بۆ بیرگەی 256 گێگابایت و ڕامی 12 گێگابایت. تاکە بژاردەش کە کەل و پەلە فۆتۆگرافییەکانی لەگەڵدایە نرخی 1,350 دۆلارە.
vivo X200s
مۆبایلەکە وەشانێکی باشترکراوی نەوەی ڕابردوویەتی، vivo X100s. ڕوونماکەی قەبارەی 6.67 ئینجە و ڕوونی 1260p و لە جۆری AMOLED و تێکڕایی نوێ بوونەوەی 120 هێرتزە.
چیپسێتی +Dimensity 9400 لەسەر جێگیر کراوە و بە ڕامی 16 گێگابایت و بیرگەی 1 تێرابایت بەردەست دەبێت.
لە بەشی پشتەوەی سێ کامێرای 50 مێگاپیسکڵی لە خۆ دەگرێت بۆ سەرەکی، گۆشەفراوان و تێلەفۆتۆ کە توانای 3 هێندە نزیککردنەوەی جۆری ئۆپتیکاڵی هەیە بە بێ لە دەستدانی ڕوونی. هەروەها سێڵفییەکی 32 مێگاپیکسڵی لە خۆ دەگرێت.
پاترییەکی قەبارەی 6,200 مللی ئەمپێر/کاتژمێری لە خۆ دەگرێت بە بارگاوی کەرەوەی 90 واتی وایەر و 40 واتی بێتەل.
هەروەها بە دوایین وەشانی ڕووکاری OriginOS کار دەکات بنچینە لەسەر ئەندرۆید 15.
نرخی دەستپێکی مۆبایلەکە لە چین بریتییە لە 575 دۆلار بۆ بیرگەی 256 گێگابایت و ڕامی 12 گێگابایت.
چاوەڕوان ناکرێت هیچ یەکێک لە مۆبایلەکان بۆ بازاڕەکانی دەرەوەی چین بڵاو بکرێتەوە.
from کەی ئای تی ئێن https://ift.tt/6ifqwsZ
via IFTTT
0 تعليقات
تێبینیت چیه له‌سه‌ر ئه‌م بابه‌ته..