لە کۆتاییدا نێنتێدۆ زانیاری لەسەر تایبەتمەندییەکانی نەوەی دووەمی کۆنسوڵی Nintendo Switch بڵاو کردەوە. نرخی 449 دۆلار دەبێت و لە بەرواری 5ـی مانگی شەش بڵاو دەکرێتەوە.
توانای کارپێکردنی یارییەکانی بە ڕوونی 1080p و 120 وێنە لە چرکەیەکدا هەیە، یان 4K و 60 وێنە لە چرکەیەکدا (لە کاتی پێوەلکانی بە Dock) هەیە.
هەروەها ڕوونماکەی لە جۆری LCD و قەبارەی 7.9 ئینجە و پشتگیری لە HDR دەکات. پاترییەکەی بەرگەی شەش کاتژمێر و نیو دەگرێت و بیرگەی 256 گێگابایتە.
دەسکەکانی (Joy Cons)، قەبارەیان گەورەترە و دەتوانرێت وەکو ماوس بەکار بهێنرێت لە هەندێک لە یارییەکان. هەروەها دوو دەرچەی USB-C هەیە بۆ بارگاوی کردنەوە و پێوەلکانی ئێکسسواراتەکان.
دەسکی Pro Controller نوێ کرایەوە و ئێستا دەرچەی جاکی هەیە و دووگمەی C لە خۆ دەگرێت، هەروەها لە بەشی پشتەوەی دوو دووگمەی نوێ بۆ زیاد کراوە بە ناوی GR و GL کە دەتوانیت بە ئارەزووی خۆت وەکو قەدبڕ بۆ دووگمەکانی دیکە بەکارییان بهێنیت. نرخی 79 دۆلارە و چاوەڕوان دەکرێت لەگەڵ Nintendo Switch 2 بەردەست بکرێت.
هەروەها دووگمەیەکی نوێی هەیە بە ناوی C، بە پەنجەدان لە دووگمەکە پێڕستی Chat چالاک دەکرێت و لە ڕێگەیەوە دەتوانیت خۆت بێ دەنگ بکەیت لە GameChat و چەند کردارێکی دیکە ئەنجام بدەیت.
هەروەها ڕەنگی کارتی یارییەکان لە ڕەشەوە گۆڕدراوە بۆ سوور. پرۆسێسەرەکەی لە لایەن ئینڤیدیاوە دروست کراوە و پشتگیری لە WiFi 6 دەکات. کۆنسوڵەکە پشتگیری لە microSD Express دەکات، بەڵام پشتگیری لە microSD نەوەی ڕابردووی ناکات.
ئێستا لە ڕێگەی تایبەتمەندی GameShare دەتوانیت یارییەکان لەگەڵ هاوڕێ و کەسە نزیکەکانت هاوبەشی بکەیت و یارییەکان بکەن، لە هەمان کاتدا دەتوانیت لەگەڵ سێ کەسی دیکە یارییەکان هاوبەشی پێ بکەیت تەنانەت لەگەڵ نەوەی یەکەمی کۆنسوڵەکەش.
from کەی ئای تی ئێن https://ift.tt/NhcELnj
via IFTTT
0 تعليقات
تێبینیت چیه له‌سه‌ر ئه‌م بابه‌ته..