سۆنی چاویلکەی Xyn نمایش کرد بۆ دروست کردنی فیلم و یارییە ئەلیکترۆنییەکان

سۆنی چاویلکەی Xyn (بە زێن دەخوێنرێتەوە) لە کۆنگرەی CES 2025 نمایش کرد کە بەکاردێت بۆ دروستکردنی یاری و فیلمە سێ ڕەهەندییەکان (3D). چاویلکەکە بۆ یەکەم جار ساڵی پار لە کۆنگرەی CES پیشان درا. هەردوو ڕوونماکەی ڕوونی 4K و لە جۆری OELD و دەتوانیت لە کاتی لە چاوکردنی دەوروبەرت ببینیت و پشتگیری لە نەرمەواڵاکانی سێ ڕەهەندی لایەنی سێیەم (Third Party) دەکات.

هیچ ئەڵقەیەک لەو ڤیدیۆیەی سۆنی نابینرێت کە پار ساڵ دەتوانی لە ڕێگەیەوە چاویلەکەکە کۆنتڕۆڵ بکەیت. تاکو ئێستا نازانین توانای تەواوەتی چاویلەکەکە چییە جگە لەوەی دەتوانیت سەیری تەنە سێ ڕەهەندییەکان بکەیت و دەستکارییان بکەیت لە ڕێگای ئەپی تایبەت کە سۆنی بۆ چاویلکەکەی دروست کردووە.

سۆنی پلانی وایە لە کۆتایی مانگی سێی ئەمساڵ بۆ کڕین بەردەستی بخات، بەڵام تاکو ئێستا نرخەکەی نەزانراوە.

from کەی ئای تی ئێن https://ift.tt/F7MGoA9
via IFTTT