٢٤ ساڵ بەسەر تەمەنی ویکیپیدیا تێپەڕی و چەند ئامارێکی سەرسوڕهێنەر بخوێنەوە

ویکیپیدیا، زانستنامەیەکی سەر تۆڕی ئینتەرنێتە و بە شێوازی ئازاد و بەخۆڕایی بڵاو دەبێتەوە. وتارەکان لە لایەن بەکارھێنەرانی خۆبەخشەوە دەنووسرێن، ھەربۆیە ھەموو کەس لە سەر تۆڕی جیھانی بۆی ھەیە دەستکاری بکات.

بەکارهێنان و دەستکاریکردنی ویکیپیدیا پێویستی بەهەژمار نییە، بەڵام بۆبەشداربووان و دەستکاریکەران ئەوا باشترە هەژمارییان هەبێت لەپێناو زانینی ژمارە و چالاکییەکانییان لەویکیپیدیا. لەئەمڕۆدا، ویکیپیدا ١١٧ ملیۆن بەکارهێنەری تۆمارکراوی هەیە.

مێژووی ویکیپیدیا دەگەڕێتەوە بۆ ١٥ی کانوونی دووەمی ٢٠٠١ کاتێک بە تەنیا بەزمانی ئینگلیزی دەستی بەوەشانکردن کرد و  جیمی وەیڵز و لاری سانگەر دامەزرێنەرەکانی ویکیپیدیان.

ئەمڕۆ ١٥ی کانوونی دووەمی ٢٠٢٥، ٢٤ ساڵ بەسەر دامەزراندنی ئەم ماڵپەڕە تێپەڕی و بەم بۆنەیەوە لێرە چەند ئامارێکی سەرسوڕهێنەر دەخەینەڕوو:

• لەدەستپێکی ویکیپیدیادا تەنیا زمانی ئینگلیزی بەردەستبوو، بەڵام لەمڕۆدا زیاتر لە ٣٠٠ زمان و دیالێکت لەویکیپیدیا هەن.
• ژمارەی بەکارهێنەرە تۆماربووەکان زیاترە لە ١١٧ ملیۆن بەکارهێنەرە.
• ژمارەی وتارەکان لەگشت زمانەکان زۆرترە لە ٦٠ ملیۆن وتار، ویکیپیدیای ئینگلیزی زۆرترین وتاری تێدا نووسراوە کە زیاترە لە ٦.٩ ملیۆن وتار.
• هەنووکە زیاتر لە ٧٣ هەزار وتار لە ویکیپیدیای کوردی هەن.
• بەپێی ئامارەکانی ماڵپەڕی Similarweb تاوەکوو کانوونی یەکەمی 2025، ویکیپیدیا لەئاستی جیهان نۆیەمین پڕسەردانیکەرە لەناو ماڵپەڕەکاندا.
• لەساڵی ٢٠٢٤، پڕسەردانیکەرترین پەڕی ویکیپیدیا بریتییە لە پەڕی Deaths in 2024، کە زیاتر لە ٤٤ ملیۆن بینینی هەبووەوە.
• لە چارەکی سێیەمی ٢٠٢٤ ئەپی ویکیپیدیا لەسەر مۆبایل نزیکەی ١ ملیۆن داگرتنی هەبووە.
• لە ساڵی ٢٠٢٤ لەڕێگەی بەخشینەوە زیاتر لە ١٨٥ ملیۆن دۆلاری کۆکردووەتەوە.

ویکیپیدیای کوردی:

لەمڕۆدا زیاتر لە ٣٠٠ زمان و دیالێکت لەویکیپیدیا هەن، وەک زمانی کوردیش ئەوا ویکیپیدیا بەشێوەزاری سۆرانی، کورمانجی و زازاکی بەردەستە.

 

from کەی ئای تی ئێن https://ift.tt/GQzRuIl
via IFTTT