مایکرۆسۆفت ئەمڕۆ وەشانێکی نوێی مایکرۆسۆفت ئۆفیسی ڕاگەیاند. تایبەتە بە ئەو کەسانەی کە بەشدارییان لە پرۆگرامی مایکرۆسۆفت 365 نەکردووە بەڵام دەیانەوێت ئۆفیسی نوێ بەکار بهێنن. لە ئۆفیسی 2024 دیزاینی تەواوی ئەپەکانی Excel, PowerPoint, OneNote, Outlook بۆ ویندۆز و ماک نوێکراوەتەوە.
گەورەترین گۆڕانکارییەکانی ئۆفیسی 2024 دەتوانرێت لە ئێکسڵ و پاوەرپۆینت و ئاوتلۆکدا بدۆزرێتەوە. مایکرۆسۆفت فەنکشنی نوێی لە ئێکسڵ زیاد کردووە بۆ بەکارهێنانی دەق و ڕیزبەندی لە وۆرکشیتدا، لەگەڵ فەنکشنی نوێی Image کە دەتوانیت لە ڕێگەیەوە وێنە ڕاستەوخۆ لە وێبەوە ڕابکێشیت. هەروەها ئێستا دەتوانێت Dynamic Arrays درووست بکەیت بۆ چارتەکان، کە لەگەڵ هەر گۆڕانکارییەک توانای هەیە بە شێوەیەکی خۆکارانە (ئۆتۆماتیکی) خۆی نوێ بکاتەوە. هەروەها مایکرۆسۆفت دەڵێت Excel 2024 بە شێوەیەکی گشتی خێراتر و جێگیرتر کراوە.
هەرچی پاوەرپۆینتی نوێیە، تایبەتمەندی cameo بۆ زیاد کراوە کە ڕێگەت پێدەدات بە شێوەیەکی ڕاستەوخۆ تۆماری کامێرا بۆ سڵایدەکان زیاد بکەیت. هەروەها دەتوانیت ژێرنووس بۆ ڤیدیۆ و فایلە دەنگییەکان لە سلایدەکاندا زیاد بکەیت.
هەرچی ئاوتڵۆکی نوێیە، گەڕان بۆ پەیام و هاوپێچەکان، پەیوەندییەکان تێیدا باشتر کراوە. ئێستا دەتوانیت لە Word, Excel, PowerPoint بە شێوەیەکی ئاسان و ڕاستەوخۆ وێنە لە مۆبایلێکی ئەندرۆیدەوە ڕابکێشیت.
ئێستا لە Wordی نوێ لە کاتی بوونی کێشەیەک بۆ نموونە تێکچوونی ئەپەکە یاخوود نەمانی کارەبا ئەوا فایلەکە بە شێوەیەکی کاتی خەزن دەکرێت و هیچ زانیارییەک نافەوتێت.
نرخی ئۆفیسی 2024 بۆ ویندۆز و ماک بریتییە لە 149.99 دۆلار.
from کەی ئای تی ئێن https://ift.tt/a1Iqliv
via IFTTT
