کۆمپانیای 1X وەشانی تاقیکاری ڕۆبۆتە مرۆڤ ئاساکەی نمایش کرد. ئەو ڕۆبۆتە بۆ بەکارهێنانی لەناو ماڵ دروست کراوە. ناوی ڕۆبۆتەکە NEOـیە و بەشێوەیەکی بەرچاو بچووکتر و سووکترە لە ڕۆبۆتی Optimusی کۆمپانیای تێسلا. بەپێی وتەی 1X، کێشی ڕۆبۆتەکە 30 کیلۆگرامە و توانایی هەڵگرتن و گواستنەوەی تا کێشی ٢٠ کیلۆگرامی هەیە، کە ئەوەش خاڵێکی بەهێزە لەچاو ڕکابەرەکانی تر کە بە جەستەیەکی قورستر، هەمان توانایی هەڵگرتنی بارستایی و باریان هەیە.
جەستەی ڕۆبۆتی نیۆ هاوشێوەی مرۆڤ بەهێز و نەرمە، کە ئەوەش وادەکات بۆ کارکردن لەناو ماڵ گونجاوتر بێت. 1X لەوبارەوە دەڵێت:
بەهاتنی ڕۆبۆتەکان بۆ ناو جیهانی مرۆڤەکان، بێگومان ئەوان هەڵسوکەوت و پێکدادانیان لەگەڵ مرۆڤەکان دەبێت، هەربۆیش ڕۆبۆتەکەی ئێمە بەهۆی تایبەتمەندیی جەستەیی وەکو کێشی کەمتر و پێکهاتەی شێوە ماسولکەیی کە ئەمەش وایکردووە وەکو مرۆڤ بەهێز و نەرم بێت.
نیۆ دەتوانێت بە ئارامی پیاسە بکات و بە خێرایی ١٢ کیلۆمەتر لە کاتژمێرێکدا ڕابکات و تەنانەت بەسەر قادرمەش دا سەربکەوێت. هەروەها بەهۆی ئەو ژیرییە دەستکردەی کە لەگەڵی تێکەڵ کراوە دەتوانێت ئەو کارانە ڕێک و پێکتر بکات و لەگەڵ تێپەڕبوونی کات، زیاتر خۆی لەگەڵ ژینگە بگونجێنێت و کاراتر بێت. جێگەی ئاماژەیە، بە یەکجار بارگاوی کردنەوە دەتوانێت ٢ بۆ ٤ کاتژمێر کار بکات.
from کەی ئای تی ئێن https://ift.tt/WbXh5Ki
via IFTTT
