کۆمپانیای HP ڕایگەیاند زیرەکی دەستکرد بۆ چاپکەرەکانی بەردەست دەخات. ئەم تایبەتمەندییە بە شێوەی تاقیکاری تایبەت لەگەڵ تایبەتمەندی Perfect Output بەردەست دەبێت کە HP دەڵێت ئەم تایبەتمەندییە دەتوانێت لاپەڕەکانی وێب بە شێوەیەکی خۆکارانە لە ناوەڕۆکی نەخوازراوی وەک ڕێکلام پاک بکاتەوە و تەنها دەق و وێنەی خوازراو چاپ بکات.
هەروەها بڕیارە چاپکردنی پەرەگرافەکان بە باشترین شێوە ئەنجام بدات بە هێشتنەوەی هێڵکاری و خشتەکان لەسەر یەک لاپەڕە، لەبری ئەوەی دابەشیان بکات. هەروەها HP دەڵێت دەتوانیت گفتوگۆ لەگەڵ چاپکەرەکان ئەنجام بدەیت و سوودیان لێ وەربگریت، بۆ نموونە بۆ گۆڕینی وێنە بۆ کارتی پیرۆزبایی بە بەکارهێنانی ستایل و فۆنتی تایبەت. ئێستا دەتوانیت لە ڕێگەی چاپکەرەکانەوە جۆرایەتی (Quality) بە شێوەیەکی خۆکارانە بەرز بکەیتەوە و تەنە نەخوازراوەکان لە وێنەکاندا لاببەیت.
کۆمپانیایەکە دەڵێت لە ماوەی ساڵی داهاتوودا زیرەکی دەستکرد بۆ هەندێک لە چاپکەرەکانی بەردەست دەبێت، بەڵام دیاری نەکردووە بۆ کام لە چاپکەرەکان.
from کەی ئای تی ئێن https://ift.tt/vwXa4iK
via IFTTT
