وا دیارە لینۆڤۆ بەنیازە چەند لاپتۆپێکی هەرزانتر نمایش بکات کە هەڵگری بڕوانامەی Copilot+ PCـیە. دزەپێکەر Evan Blas، چەند بەیاننامەیەکی فەرمی لینۆڤۆی بڵاو کردەوە کە بەنیازە لاپتۆپە نوێیەکان لە کۆتایی ئەم هەفتەیە لە کۆنگرەی IFA نمایش بکات. دوو لە لاپتۆپەکان هەڵگری چیپسێتێکی کۆمپانیای کواڵکۆم دەبن کە هەشت ناووک لە خۆ دەگرێت.
یەکێک لە لاپتۆپە نوێیەکان، مۆدێلی IdeaPad 5x 2-in-1 دەبێت کە خاوەنی ڕوونمایەکی OLEDـە بە قەبارەی 14 ئینج. یەکێکی دیکەی لاپتۆپەکانیش بریتییە لە IdeaPad Slim، بەهەمان شێوە خاوەنی ڕوونمایەکی OLED و قەبارەی 14 ئینجە. هەروەها هەردوو لاپتۆپەکە چیپسێتی کۆمپانیای کواڵکۆمییان لەسەر جێگیر دەکرێت کە هەشت ناوکییە.
نرخی جۆری Slim بریتیی دەبێت لە 990 دۆلار و جۆرەکەی دیش نرخی 1,100 دۆلار دەبێت بە نزیکی. جگە لەوەش لینۆڤۆ بەنیازە چەند لاپتۆپێکی دیکە نمایش بکات کە چیپسێتەکانی کۆمپانیای ئینتێڵ و ئەی ئێم دی لە خۆ دەگرن و بەڵگڕی بڕوانامەی Copilot+ PC دەبن.
from کەی ئای تی ئێن https://ift.tt/8sc2RoV
via IFTTT
