ئەیسەر جیاوازترین لاپتۆپی ئەوساڵی بەناوی Project Dual Play لە پێشانگای IFA 2024 نمایش کرد. دیارترین تایبەتمەندیی ئەو مۆدێلە سەرەتاییەی ئەیسەر، هەبوونی کۆنتڕۆلەرێکی بێوایەرە کە دەتوانرێت لە لاپتۆپەکە جیا بکرێتەوە. ئەیسەر دیزاینێکی نوێی بەکارهێناوە لە لاپتۆپەکەدا و بەجۆرێک تێکەڵەیەکی دروست کردووە لە لاپتۆپی گەیمینگ و کۆنسڵی دەستی. ئەو دیزاینە وادەکات کە هەر کاتێک ویستمان تاچپەدی لاپتۆپەکە لەخۆی جیا بکەینەوە و وەکوو گەیمپادێک کەڵکی لێوەرگرین.
یەکێکی تر لە تایبەتمەندییەکانی ئەو کۆنتڕۆلەرە ئەوەیە کە دەکرێت بە دوو بەشەوە، بۆ ئەوەی کە دوو کەس بتوانن لە هەمان کاتدا یاری پێبکەن. جگە لەوانە ئەیسەر دوو بڵندگۆی بە کوالیتی بەرز لە لاپتۆپەکەدا گونجاندووە کە دەتوانرێت لەخۆی جیا بکرێنەوە. هەروەها ئەو بەرهەمە بە ڕووناکی RGB 360ᵒ پلە تەیار کراوە کە تەختەکلیل، لێوارەکانی شاشە و ناوچەی تاچ‌پاد دەگرێتەوە کە ئەوەش وادەکات ئەو لاپتۆپە ببێت بە هەڵبژاردەیەکی ناوازە بۆ ئەو گەیمەرانەی کە ڕواڵەت لەلایان پڕبایەخە.
لە ئێستادا Project DualPlay تەنیا مۆدێلێکی سەرەتاییە و ئەیسەر هیچ زانیارییەکی تری لەسەر کاتی بەردەست خستن، تایبەتمەندییە تەکنیکییەکان و نرخی لاپتۆپەکە ڕانەگەیاندووە.
from کەی ئای تی ئێن https://ift.tt/nTpEzFr
via IFTTT
