ڕێدمی یەکەمین دوو مۆبایلی لە زنجیرەی ڕێدمی نۆوت 14 بە ناوەکانی ڕێدمی نۆوت 14 پرۆ و پرۆ پڵەس نمایش کرد. جۆری پرۆ پڵەس، کامێرای سەرەکی دواوەی ڕوونی 50 مێگاپێکسڵە و کامێرای تێلەفۆتۆی 50 مێگاپێکسڵی بۆ 2.5 هێندە نزیککردنەوەی جۆری ئۆپتیکاڵ و کامێرای گۆشە فراوان بە ڕوونی 8 مێگاپێکسڵ لە خۆ دەگرێت. هەروەها کامێرای سێڵفی ڕوونی 20 مێگاپێکسڵە. ڕوونمای جۆری پرۆ پڵەس 6.67 ئینجە لە جۆری OLED بە ڕوونی 1,220 * 2,712 پێکسڵ و تێکڕای نوێبوونەوەی 120 هێرتز. چیپسێتی Snapdragon 7s Gen 3 لەسەر جێگیر کراوە.
هەردوو مۆبایلەکە بڕوانامەی IP69 بۆ دژە ئاو و خۆڵ و تۆز هەیە. جۆری پرۆ پڵەس پاترییەکی قەبارە 6,200 مللی ئەمپێر/کاتژمێری بە بارگاوی کەرەوەی 90 وات هەیە. نرخی دەستپێکی جۆری پرۆ پڵەس لە چین بۆ بیرگەی 256 گێگابایت و ڕامی 12 گێگابایت بریتییە لە 270 دۆلار. جۆری پرۆ کامێرای تێلەفۆتۆی لە دواوەیدا نییە و کامێرای گۆشە فراوانەکەشی ڕوونی 8 مێگاپێکسڵە. بەڵام هەمان ڕوونما و کامێرای سەرەکی دواوە و کامێرای سێڵفی بەکار دەهێنێت. هەروەها جۆری چیپسێتەکەی Dimensity 7300 Ultra ـیە.
پاترییەکی قەبارە 5,500 مللی ئەمپێر/کاتژمێری بە بارگاوی کەرەوەی 45 واتی هەیە. نرخی دەستپێکی مۆبایلەکە لە چین بۆ بیرگەی 128 گێگابایت و ڕامی 8 گێگابایت بریتییە لە 200 دۆلار.
from کەی ئای تی ئێن https://ift.tt/E5HVq3S
via IFTTT
