ئەمڕۆ کواڵکۆم چیپسێتێکی نوێی بە ناوی Snapdragon 7s Gen 3 ڕاگەیاند کە تایبەتمەندی کەمترە لە هەردوو چیپسێتی Snapdragon 7 Gen 3 و Plus Gen 3 و لە مۆبایلە ئاست مامناوەندەکاندا بەکار دێت. چیپسێتە نوێیەکە %20 لە ڕووی CPU و %40 لە ڕووی GPU و %30 لە ڕووی زیرەکی دەستکردەوە باشتر کراوە. یەک ناووک لە جۆری Cortex-A720 بە خێرایی 2.5 گێگاهێرتز و 3 ناووک لە هەمان جۆر بەڵام بە خێرایی 2.4 گێگاهێرتز و 4 ناووک لە جۆری Cortex-A520 بە خێرایی 1.8 گێگاهێرتز لە خۆ دەگرێت.
پشتگیری لە کامێرای 200 مێگاپێکسڵی دەکات و لەسەر بنچینەی 4 نانۆمەتری درووست کراوە. پشتگیری لە Wi-Fi 6E و Bluetooth 5.4 دەکات. پێشبینی دەکرێت مانگی داهاتوو یەکەمین مۆبایل لە لایەن کۆمپانیای شاومییەوە نمایش بکرێت کە ئەم چیپسێتەی لەسەر جێگیر کرابێت و دواتر سامسۆنگ و ڕیەلمی و شارپیش مۆبایلیان هەبێت بەم چیپسێتەوە.
from کەی ئای تی ئێن https://ift.tt/LbKtRzY
via IFTTT
