مارک گێرمەن، هەواڵنێری بلومبێرگ، تازەترین دەنگۆ لەسەر تایبەتمەندییەکانی نوێترین ئایفۆنی ئەپڵ واتە iPhone 17 Air خستەڕوو. گێرمەن زانیاری نوێی لەسەر مۆدێلی تەنکی ئایفۆن 17 بڵاوکردەوە کە پێدەچێت بە iPhone 17 Air ناو بنرێت. بە بڕوای گێرمەن ئەو مۆدێلە بۆ ئەو بەکارهێنەرانە دروست دەکرێت کە بەدوای ئایفۆنێکدا دەگەڕێن کە لە ئایفۆنی ئاسایی، تەنک و بچووکتر بێت.
ئەپڵ دوای ئەزموونێکی شکست خواردوو لە ئایفۆن ١٢ی مینی و ئایفۆن ١٤ی پڵەس، دەیەوێت بە پەرەپێدانی ئایفۆنی تەنکی Air، بەشی مۆبایلە کۆمپاکتەکانی بژیێنێتەوە. ئایفۆن ١٧ی Air، ڕوونمایەکی قەبارە بچووکی 6.6 ئینجی دەبێت بە جەستەیەکی ئەلەمینیۆمی؛ هەروەها داینەمیک ئایلەندەکەشی بچووکتر دەبێت.
شایەنی باسە، گێرمەن پێی وایە سەرکەوتنی ئایفۆنە تازەکان بەرامبەر بە مۆدێلەکانی پێشووتر، زۆرتر دەبێت و داهاتی فڕۆشی ئایفۆن لە ساڵی 2025دا گەشەیەکی بەرچاو دەبینێت.
جگە لەوانە مارک گێرمەن لە هەواڵنامەکەی خۆیدا، ڕایگەیاند ئەگەری هەیە کە ئەپڵ تا ساڵی 2027 ئایفۆن یان ئایپادێکی چەماوە دروست بکات و بخاتە بازاڕەکانەوە.
from کەی ئای تی ئێن https://ift.tt/50uDymP
via IFTTT
