تاقیگەکانی Black Forest Labs پەردەیان لەسەر ژیریی دەستکردی Flux لادا. ئەم ژیری دەستکردە بە گەورەترین مۆدێلی سەرچاوەکراوەی دەق بۆ وێنە دادەنرێت تا ئێستا بە قەبارەی 12 ملیار پرامێتەر. ئەو وێنانەی کە زیرەکی دەستکردی Flux دروستیان دەکات، ڕاستەوخۆ لەگەڵ ژیری دەستکردی میدجێڕنی ڕکابەری دەکات. پەرەپێدەرانی Flux بانگەشەی ئەوە دەکەن کە ژیری دەستکردەکەیان لە ڕووی جۆرایەتی بینراو، وەفاداری بۆ دەقەکانی بەکارهێنەر، تایپۆگرافی و جۆراوجۆریی دەرچوون، لە مۆدێلەکانی تر وەکوو Dall-E 3, Midjourney v6.0 و SD3 Ultra باشترە.
یەکێک لە جیاوازیە سەرەکیەکانی Flux لەگەڵ میدجێرنی ئەوەیە کە Flux سەرچاوە کراوەیە و هەر ئێستا دوو وەشانی Flux Dev, Flux Schnell لە Hugging Face بۆ داگرتن بەردەستن.
ئەگەر بتانەوێت ئەو ژیرییە لەسەر سیستەمی خۆتان بەکاربهێنن، پێویستیتان بە پرۆسێسەرێکی گرافیکی بەهێز دەبێت کە خاوەنی 24 گێگابایت VRAM بێت. هەروەها دەتوانن لە پلاتفۆرمە ئۆنلاینەکان وەکو NightCAFE و Based Labs کەڵک وەربگرن بۆ دروست کردنی وێنە لە Flux AI.
بە شێوەیەکی گشتی وەشانی پڕۆی Flux دەتوانرێت بە ڕکابەری سەرەکی بۆ ژیرییە دەستکردە قورس و بەپارەکانی وەکو میدجێرنی و Auraflow دابنرێت.
لەم بەستەرەوە لە هەگین فەیس دەتوانن فلەکس ئەی ئای تاقی بکەنەوە:
https://ift.tt/spvNXix
ئەو وێنانەش بە ژیری دەستکردی Flux دروست کراون:
from کەی ئای تی ئێن https://ift.tt/yV7EurN
via IFTTT
