لەو دواییانەدا، بازاڕی ئەو وێنانە زۆر گەرمە کە بە ژیریی دەسکرد دروست دەکرێن. زۆرجار ئەو وێنە دەسکردانەمان لەگەڵ راستی لێ تێکدەچێت و کەمێک تێیڕادەمێنین ئاخۆ راستە یا سازکراوە؟ جاری واش هەیە وێنەیەکی ئەوەندە هونەریمان دەداتێ کە پێمان وایە پیکاسۆ و داڤینچی هەزار ساڵی تر ناگەن بەو ئاستە.
من لەم بابەتەدا دەمەوێت لە باشترین ژیرییە دەسکردەکانتان پێ بناسێنم بۆ دروستکردنی وێنەی جۆراوجۆر کە لەوانەیە ڕۆژێک لە ڕۆژان پێویستتان بێت بۆ ژیانی ڕۆژانەتان.
١- ژیریی دەستکردی Google Gemini
ئەو ژیرییە دەسکردەی گوگڵ پێشتر بە Bard ناسرابوو و دواتر ناوی گۆڕدرا بۆ جێمنای. ئەو دەتوانێت وێنەی سەرسوڕهێنەرت بۆ سازبکات بەبێ کڕینی هیچ باڵانسێک و بە خۆڕاییش. تەنیا دەبێت چەند دێڕێکی بۆ بنووسی و تایبەتمەندیەکانی ئەو شتەی لە خەیاڵت دایە بۆی باس بکەی تاوەکو لە کاتێکی کەم دا بۆتی ساز بکات.
٢- ژیریی دەستکردی Stable Diffusion
دەتوانین بڵێین یەکێکە لە بەهێزترین ژیرییە دەستکردەکان بۆ بەدیهێنان و دەسکاریکردنی وێنەکان، ئەمە هەرچەندە لە رۆژێکدا تەنیا رێگەت پێدەدا ١٠ وێنە درووست بکەیت، بەڵام بۆ ئەوەی کە بتوانیت ڕوونی وێنەکەت بەرز بکەیتەوە و نیشانەی ئاوی Watermarkی لەسەر لاببەیت، هەروەها مۆڵەتی بڵاو کردنەوەیت هەبێ و زیاتر لە ١٠ وێنە لە رۆژێکدا درووست بکەیت، ئەوا ناچار دەبیت کە بەپارە بەشداری لە خزمەتگوزارییەکەیان بکەیت.
ئەو ژیرییە هەندێک تایبەتمەندی هەیە کە جیای دەکاتەوە لە ژیرییە دەسکردەکانی تر:
- دەتوانێت ئەو شتانەی خۆت کێشاوتە و گەڵاڵەت کردووە بۆت بکات بە وێنە.
- دەتوانێت روونی وێنەکان بەرز بکاتەوە.
- دەتوانیت بۆی دیاری بکەیت چەند دانە وێنەت بۆ دروست بکات.
- دەتوانیت دیاری بکەیت قەبارەی وێنەکەت چۆن بێن.
- دەتوانیت دیاری بکەی شێوازی وێنەکە چۆن بێت. بۆ نمونە، ئەنیمییە، راستییانە، فانتەزی، Pixel art و هتد
https://stablediffusionweb.com
٣- ژیریی دەستکردی (Midjourney)
هەرچەندە کە یەکەمین ژیریی نەبوو لە بواری دروستکردنی وێنەدا، بەڵام بەڕای من یەکێکە لە باشترینەکان لەڕووی درووست کردنی وێنەیەک کە تەواو لە راستی بچێت، کە ئەمەش بەهۆی تازەترین وەشانیەتی بە ناوی Midjourney 6 .
کار پێکردنی ئەو ژیرییە لە ئەوانیتر جیاوازە و دەبێ بۆ کەڵک لێوەرگرتنی ئەپڵیکەیشنی Discord دابەزێنن و بچنە ناو سێرڤەری میدجێرنی.
بە هەژماری خۆتان تەنیا تا ٢٥ وێنە دەتوانن بە خۆڕایی ساز بکەن. بەپێچەوانەوە دەبێت هاوبەشی میدجێرنی بکڕیت کە کەمترین نرخی بۆ مانگێک ١٠ دۆلارە.
https://discord.com/invite/midjourney
٤- ژیریی دەستکردی (DALL-E 3)
ئەوە یەکەمین ژیریی دەسکرد بوو کە بە پێدانی چەند دێڕێک وێنەی بۆ درووست دەکردین. لەکاتی بڵاوکردنەوەی لە ٢٠٢١ لەلایەن OpenAI، هەرایەکی زۆری نایەوە. لەسەرەتادا زۆر لە ئاستێکی ناوازەدا نەبوو، بەڵام ئێستا پاش نوێ بوونەوەی، ئاستێکی بەرز لە خۆی نیشان دەدا. هەرچەند بۆ ئەوەی کە بە شێوەی راستەوخۆ بەکاری بهێنیت پێویستە هاوبەشیی لە ماڵپەڕی OpenAI بکڕیتەوە، بەڵام دەتوانی بە بێ خەرج کردنی هیچ پارەیەک لە ناو ژیریی دەسکردی Bing و Copilot دا بەکاری بهێنیت.
٥- ژیریی دەستکردی (Adobe Firefly)
کۆمپانیای ناسراوی Adobe توانی بە بڵاو کردنەوەی وەشانێکی ژیریی دەسکرد بەناوی Firefly Image 3 بۆ فۆتۆشۆپ، خزمەتگوزاریەکانی بباتە ئاستێکی تر. ئەدۆبی بۆ ڕاهێنان پێکردنی فایەرفلای کەڵکی لە پەڕتووکخانەی Adobe Stock وەرگرتووە کە بە هەزار وێنەی جۆراوجۆری تێدایە.
ئەو ژیرییە چەندین تایبەتمەندی بۆ فۆتۆشۆپ زۆر کردووە کە تا ڕادەیەکی زۆر دەتوانن کەڵکی لێ وەربگرن، لەوانە:
- Reference image
- Generate background
- و هتد.
وەشانەکانی تری ئەو ژیرییە لە بەرنامەکانی تری Adobe وەکو Adobe Premiere یش بەردەستە.
بۆ کەڵک لێوەرگرنتی دەتوانن راستەوخۆ لە ناو بەرنامەکانی Adobe بەکاری بهێنن، یان بۆ دروست کردنی وێنە سەردانی ئەو ماڵپەرە بکەن:
لەم وێنەی خوارەوە جیاوازی زیاتری نێوان ژیری دەستکردەکان بۆ دروستکردنی وێنە دەردەکەوێت.
from کەی ئای تی ئێن https://ift.tt/7IEvFm9
via IFTTT
