کۆمپانیای مایکرۆسۆفت کۆنگرەی ساڵانەی خۆی بە ناوی Build بەست و تێیدا چەندین بەرهەم و گۆرانکاری گرنگی ڕاگەیاند. یەکێک لە بەرهەمە ڕاگەیاندراوەکانی کۆنگرەکە بریتی بوو لە Surface Laptopی نوێی بنچینەکراو لەسەر Arm. کە نرخی لە 999.99 دۆلار بۆ قەبارەی 13.8 ئینج و 1,199 دۆلار بۆ قەبارەی 15 ئینج دەست پێ دەکات. جیاوازییەکی گەورەی لەگەڵ Surface Laptop 6 بۆ بازرگانی هەیە، چیپی Qualcomm Snapdragon X Elite یاخوود Plus لە جیاتی Intel Core Ultra لە خۆ دەگرێت.
بە چەندین بژاردەی پرۆسێسەر و بیرگە و ڕامی جیاواز بەردەست دەبێت، نزمترینیان بریتییە لە ڕامی 16 گێگابایت و بیرگەی 256 گێگابایت و چیپی Snapdragon X Plus و بەرزترینیان بریتییە لە بیرگەی 1 تێرابایت و ڕامی 32 گێگابایت و چیپی Snapdragon X Elite.
ڕوونی ڕوونمای قەبارە 13.8 بریتییە لە 2304 * 1536 پێکسڵ و قەبارەی 15 ئینج بریتییە لە 2496 * 1664 پێکسڵ، هەردووکیان بە تێکڕای نوێبوونەوەی 120 هێرتز و پشتگیری کردن لە Dolby Vision IQ.
هەردوو قەبارەکە دوو دەرچەی USB-C و دەرچەیەکی USB-A 3.1 و وێبکامی 1080 پێکسڵی و هێدفۆن جاک لە خۆ دەگرن.
from کەی ئای تی ئێن https://ift.tt/Sls8ikH
via IFTTT
