ڕیەلمی لە ڤێتنام نوێترین مۆبایلی خۆی بە ناوی Realme C65 نمایش کرد. مۆبایلەکە ڕوونمایەکی قەبارە 6.67 ئینجی لە جۆری IPS LCD بە تێکڕای نوێبوونەوەی 90 هێرتز و ڕوونی +HD لە خۆ دەگرێت.
چیپسێتی MediaTek Helio G85 لەسەر جێگیر کراوە. پاترییەکی قەبارە 5,000 مللی ئەمپێر/کاتژمێری بە بارگاوی کەرەوەی 45 وات هەیە. کامێرای سەرەکی دواوەی ڕوونی 50 مێگاپێکسڵە و کامێرای ماکرۆ بە ڕوونی 2 مێگاپێکسڵ لە خۆ دەگرێت، هەروەها کامێرای سێڵفی 8 مێگاپێکسڵە و پشتگیری لە تایبەتمەندی Mini Capsule دەکات بۆ پیشاندانی ئاگانامەکان هاوشێوەی داینامیک ئایلەندی ئەپڵ. مۆبایلەکە پشتگیری لە تایبەتمەندی ئاماژە کردن لە هەوادا (Air Gestures) دەکات و دوگمەی Dynamic Buttonی هەیە کە ڕێگە بە بەکارهێنەر دەدات چەندین فەرمان لە ڕێگەیەوە جێبەجێ بکات وەک کردنەوەی ئەپی کامێرا و خستنەکاری دۆخی فڕۆکە و زیاتریش.
نرخی مۆبایلەکە لە ڤێتنام بۆ بیرگەی 128 گێگابایت و ڕامی 6 گێگابایت بریتییە لە 148 دۆلار و بۆ بیرگەی 256 گێگابایت و ڕامی 8 گێگابایت بریتییە لە 192 دۆلار.
from کەی ئای تی ئێن https://ift.tt/pXIb0ol
via IFTTT
