ئاشکرا بووە کە ڤلادیمێر پوتن، سەرۆکی لەمێژینەی وڵاتی ڕووسیا، ئارەزووی دروستکردنی ئیکۆسیستەمێکی سەربەخۆی یاریکردن (گەیمینگ) لە وڵاتەکەیدا دەکات. ئامادەیە بڕە پارەیەکی زۆر تەرخان بکات بۆ بینینی تۆڕێکی فراوانی ڕەقەکاڵا و نەرمەواڵە و درووستی کردنی کۆنسۆڵی تایبەت بە وڵاتەکە. ئەم هەواڵە لەلایەن سەرچاوە نزیکەکانی حکومەتی ڕووسیا ئاشکرا بووە و بەپێی زانیارییەکان باس لە خواستێک دەکرێت بۆ دەربازبوون لە هاوردە کردنی کۆنسۆڵی دەرەکی و قەدەغە کردنیان. هەر بە پێی زانیارییەکانی ماڵپەڕی PC Gamer، دەرکەوتووە دوای داواکەی ڤلادیمێر لێکۆڵینەوە ئەنجام دراوە و دەرکەوتووە نزیکەی 10 ساڵ پێویستە بۆ درووست کردنی ئیکۆسیستەمێکی لەو شێوەیە. لە سەردەمی مۆدێرندا یارییەک کە لە لایەن ڕووسیەکانەوە درووست کرابێت و بەناوبانگ بێت یاری Escape from Tarkov ـە و چەندین گەیمەری بەتوانا هەن لەو وڵاتەدا، ئەمەش بە هاندەرێک دادەنرێت بۆ جێبەجێ کردنی ئەم پرۆژەیە.
from کەی ئای تی ئێن https://ift.tt/WNjiuhw
via IFTTT
