سامسۆنگ و هیۆندای ڕایانگەیاند کە بە هاوبەشی کاردەکەن بۆ زیاد کردنی سەکۆی Samsung SmartThings بۆ ئۆتۆمبێلەکانی هیۆندای. هەردوو کۆمپانیاکە کار لەسەر ئەوە دەکەن کە هەردوو خزمەت گوزاری Car to Home و Home to car تێهەڵکێش بکەن. ئەمە بە کردارەکی واتە چی؟ واتا لە ماڵەوە دەتوانیت لە ڕێگەی بەکارهێنانی ئەپی SmartThingsـەوە، ساردکەرەوە (تبرید)ـی ئۆتۆمبێلەکەت دابگیرسێنیت. یاخود، لە ناو ئۆتۆمبێلەکەتەوە کۆنتڕۆڵی تەلەڤیزیۆن و ساردکەرەوەکانی ماڵەوەت بکەیت.
ئەمەش نمونەیەکە کە سامسۆنگ باسی لێوە کردووە لە ڕاگەیاندراوەکەی:
بۆ نمونە، بەیانیان کە لە خەو هەڵدەستیت و زەنگی مۆبایلەکەت دەکوژێنیتەوە، ئەوا پەردەی ماڵەکەت دەکرێنەوە و تەلەڤیزۆنەکان دادەگیرسێن، هەروەها کاتێک ئامادە دەبیت بۆ دەرچوون لە ماڵەوە، ئەوا پلەی گەرمی ئۆتۆمبێلەکەت بۆ باشترین هەل و مەرج ڕێک دەخرێت و مۆبایل و تەلەڤیزیۆنەکانت زانیاری پاتری ئۆتۆمبێلەکەت و مەودای بڕینی پیشان دەدات.
کارەکانی ئەم پڕۆژەیە هێشتا لە قۆناغەکانی سەرەتاییە و لەوانەیە کاتێکی زۆر بخایەنێت تاکو بە کردارەکی دیدەنی بکەین.
from کەی ئای تی ئێن https://ift.tt/y9nQgm8
via IFTTT
