ئەپی iMessage خەونێکە بۆ بەکارهێنەرانی ئەندرۆید، بەڵام کۆمپانیای Nothing هەوڵ دەدات ئەو خەونە بکات بە ڕاستی لەگەڵ مۆبایلی Nothing Phone 2 و ئەپی Nothing Chats. زۆر بە سادەیی، ئەپەکە پشتگیری لە چات کردن لەگەڵ ئەپی iMessage کۆمپانیای ئەپڵ دەکات و بەمزووانە بۆ مۆبایلی Nothing Phone 2 بەردەست دەبێت.
کۆمپانیای Nothing دەربارەی ئەپەکە دەڵێت:
ئەپەکەمان بە هاوبەشی لەگەڵ Sunbird پەرەپێداوە، کە دەتوانیت لە ڕێگەی ئەپەکەوە نامەی Blue Bubbles بنێرێت. ئێستا ئەپەکە لە قۆناغی تاقیکارییە و لە داهاتوودا تایبەتمەندی زیاتر بۆ بەردەست دەکرێت و باشتر دەکرێت.
بۆ بەکارهێنانی ئەپەکە پێویستت بە هەژماری AppleID دەبێت. ئەپەکە پشتگیری لە چاتی تاکە کەسی، گروپەکان، هاوبەشی پێکردنی وێنە و ڤیدیۆ بە ڕوونی تەواو و نامەی دەنگی دەکات لەگەڵ ئەپی iMessage. ئەپەکە لە ڕۆژی 17ـی ئەم مانگە لە ئەوروپا و شانشینی یەکگرتوو و ئەمریکا بۆ مۆبایلی Nothing Phone 2 بەردەست دەبێت.
from کەی ئای تی ئێن https://ift.tt/9A7BDcs
via IFTTT
