لەگەڵ نمایش کردنی تابلێتی Huawei MatePad Pro 11، لاپتۆپی Huawei MateBook D16 بە پرۆسێسەری نەوەی سیانزەیەم نوێ کردەوە.
ڕوونماکەیەکی 16 ئینجی لەجۆری IPS لە خۆ دەگرێت، ڕوونی ڕوونماکەی 1200*1920 پیکسڵە. کێشی لاپتۆپەکە تەنها 1.68 کیلۆ گرامە و هەستەوەری پەنجەمۆری لەسەر دوگمەی هێز (Power) جێگیر کراوە.
بە بژاردەی چیپسێتی i5 و i7 و i9 نەوەی سیانزەیەمی کۆمپانیای ئینتێڵ بەردەست دەبێت، بژاردەی i5 گرافیکی ناوەکی Intel UHD لە خۆ دەگرێت، لە کاتێکدا بژاردەی i7 و i9 گرافیکی ناوەکی Intel Iris Xe لە خۆ دەگرن.
پاتری لاپتۆپەکە قەبارەی 70Wh و وێبکامی توانای تۆمارکردنی ڤیدیۆی 1080p هەیە و دووانە بڵندگۆ لە خۆ دەگرێت.
نرخی لاپتۆپەکە بۆ بژاردەی i5 و ڕامی 16 گێگابایت و بیرگەی 1 تێرابایت بریتییە لە 704 دۆلار و بۆ بژاردەی i7 و i9 بۆ هەمان بیرگە و ڕام بریتییە 845 دۆلار و 915 دۆلار.
from کەی ئای تی ئێن https://ift.tt/O5bisNS
via IFTTT
