وادەی نمایش کردنی یەکەمین مۆبایلی چەماوەی گووگڵ ڕاگەیاندرا

 

دەنگۆکان ڕاست بوون! هەفتەی داهاتوو کۆمپانیای گووگڵ لە کۆنگرەی Google I/O 2023 کە لە ڕۆژی 10ی مانگ بەڕێوە دەچێت، یەکەمین مۆبایلی چەماوەی خۆی نمایش دەکات.

 

گووگڵ هیچ تایبەتمەندییەکانی مۆبایلە چەماوەکەی ئاشکرا نەکردووە، بەڵام دیزاینی ئاشکرا کردووە و شێوازی کردنەوەی وەک زنجیرەی گالەکسی فۆڵد وایە. وە شێوازی کامێرای دواوەی هاوشێوەی مۆبایلەکانی پێکسڵ وایە لە دیزایندا.

بەڵام پێگەی CNBC لە ڕاپۆرتێکدا ئاماژەی بەوە کرد مۆبایلەکە چیپسێتی Google Tensor G2 لەسەر جێگیر دەکرێت و 5.8 لە کاتی داخران و 7.6 ئینج دەبێت لە کاتی کرانەوەی و بەکارهێنانی وەک تابلێت. هەروەها کێشی 283.5 گرام دەبێت و نرخی بریتی دەبێت لە 1,699 دۆلار.

from کەی ئای تی ئێن https://ift.tt/6USmEeP
via IFTTT