کواڵکۆم چیپسێتی Snapdragon 7+ Gen 2 نمایش کرد بۆ مۆبایلە سەروو ئاست مام ناوەندەکان. ئەوەی سەیرە چیپسێتی Snapdragon 7+ Gen 1 و Snapdragon 7 Gen 2 بوونی نەبووە پێشووتر، بەڵام کواڵکۆم ڕاستەوخۆ ئەم چیپسێتەی نمایش کرد.
ناووکی سەرەکی پرۆسێسەرەکەی Kryo خێرایی بەرز کراوەتەوە بۆ 2.91 گێگاهێرتز و بە شێوەیەکی گشتی هەر 8 ناووکەکەی خێرایی بە ڕێژەی 50% بەرز کراوەتەوە بەراورد بە چیپسێتی Snapdragon 7 Gen 1.
هەروەها گرافیکێکی Adreno کە ناوی لێ نەنراوە، لەسەر ئەم چیپسێتە جێگر کراوە و 2 هێندە توانای جێبەجێکردنی باشترە بەراورد بە نەوەی پێش خۆی.
زانیاری تەواو لەسەر چیپسێتەکە بڵاو نەکراوەتەوە، بەڵام خۆشبەختانە کۆتایی ئەم مانگە چەند مۆبایلێک بەم چیپسێتەوە نمایش دەکرێت و ئێمە هەموو تایبەتمەندییەکانی چیپسێتەکەمان بۆ دەردەکەوێت.
لایەنی ژیری دەستکرد زۆر باشتر کراوە و 2 هێندە توانای جێبەجێکردن بەرز کراوەتەوە و 40% وزە کەمتر بەکار دەبات بەراورد بە نەوەی پێش خۆی. هەروەها مۆدێمی Snapdragon X62 5G لەسەر جێگیر کراوە.
هەروەها ISP باشتر کراوە و پشتگیری لە کامێرای 200 مێگاپێکسڵی دەکات.
from کەی ئای تی ئێن https://ift.tt/02lV6xg
via IFTTT
