ئەمڕۆ زنجیرە مۆبایلی Meizu 20 نمایش لە چین نمایش کرا. یەکەمین مۆبایلی کۆمپانیاکەیە لە زنجیرەکەدا لە ساڵی 2021 ـەوە، دیزاینی تێکەڵەیەکە لە دیزاینی هەردوو مۆبایلی ئایفۆن 14 و گالەکسی ئێس 23.
جۆری ئاسایی ڕوونمایەکی قەبارە 6.5 ئینجی لە جۆری AMOLED بە پانێڵی E6ی کۆمپانیای سامسۆنگ لەسەر جێگیر کراوە، بە تێکڕای نوێ بوونەوەی 144 هێرتز و ڕوونی +FHD. هەروەها جۆری پرۆ قەبارەی 6.81 ئینجە بە ڕوونی 2K و تێکڕای نوێ بوونەوەی 120 هێرتز و ڕووناکی تاوەکو 1,800 نیت. پارێزەری Gorilla Glass Victus و پەنجەمۆری ژێر ڕوونما لەسەر هەردوو مۆبایلەکە جێگیر کراوە.
لە ڕووی کامێراوە، جۆری پرۆ سێ کامێرای 50 مێگاپێکسڵی لە خۆ دەگرێت کە کامێرای سەرەکی و گۆشە فراوان و تێلەفۆتۆن. هەروەها جۆری ئاسایی کامێرای سەرەکی ڕوونی 50 مێگاپێکسڵە و کامێرای گۆشە فراوان بە ڕوونی 16 مێگاپێکسڵ و ماکرۆ بە ڕوونی 5 مێگاپێکسڵ لە خۆ دەگرێت. و هەردوو مۆبایلەکە کامێرای سێڵفییان ڕوونی 32 مێگاپێکسڵە.
هەردوو مۆبایلەکە چیپسێتی Snapdragon 8 Gen 2 لەسەر جێگیر کراوە و جۆری بیرگەیان UFS 4.0 و جۆری ڕامیان LPDDR5 ـە. جۆری ئاسایی پاترییەکی قەبارە 4,700 مللی ئەمپێر/کاتژمێری لەسەر جێگیر کراوە بە بارگاوی کەرەوەی 67 وات و جۆری پرۆ پاترییەکی قەبارە 5,000 مللی ئەمپێر/کاتژمێری لەسەر جێگیر کراوە بە بارگاوی کەرەوەی 80 واتی وایەر و 50 واتی بێتەل.
نرخ:
Meizu 20:
128+8= 435$
256+8= 495$
512+12= 550$
Meizu 20 Pro:
128+8= 580$
256+8= 640$
512+12= 700$
from کەی ئای تی ئێن https://ift.tt/M3KhkCE
via IFTTT
