زیرەکی دەستکرد شۆڕشێکی گەورەیە لە زۆرێک لە پیشەسازی و بوارەکانی ژیان، کە پەروەردەش لەو شۆڕشە بەدەر نییە. دەتوانرێت زیرەکی دەستکرد بەکاربهێنرێت بۆ باشترکردنی پەروەردە بە چەندین شێوە، لە فێربوونی کەسییەوە تا بە ئۆتۆماتیکیکردنی ئەرکە کارگێڕییەکان. لەم وتارەدا لە هەندێک لەو ڕێگایانە دەکۆڵینەوە کە دەتوانرێت بەکاربهێنرێت بۆ بەرزکردنەوەی ئەزموونی پەروەردە بۆ خوێندکاران و مامۆستایان و کارگێڕانی پەروەردەیی.
- فێربوونی کەسی
یەکێک لە دیارترین و بەرچاوترین بەکارهێنانەکانی زیرەکی دەستکرد لە پەروەردەدا فێربوونی کەسییە Personal Learningـە. ئەلگۆریتمەکانی زیرەکی دەستکرد دەتوانن داتای خوێندکار شی بکەنەوە، وەک نمرەی تاقیکردنەوە و بەرەوپێشچوونی فێربوون و دروستکردنی پلانێکی فێربوونی کەسی بۆ هەر خوێندکارێک. ئەم ڕێگە و ڕێچکەیە خاڵە بەهێزەکان و لاوازەکان و شێوازی فێربوونی خوێندکار لەبەرچاو دەگرێت و بابەتی خوێندنەکە ڕێکدەخات بۆ ئەوەی بە باشترین شێوە پێداویستییە تاکەکەسییەکانیان دابین بکات.
هەروەها فێربوونی کەسی لە ڕێگەی زیرەکی دەستکرد دەتوانێت لە کاتی دروست خۆی بگونجێنێت و خۆی لەگەڵ گۆڕانی پێداویستی و ئارەزووەکانی خوێندکاردا بگونجێنێت. بۆ نموونە، ئەگەر خوێندکارێک لەگەڵ چەمکێکی دیاریکراودا کێشەی هەبێت، سیستەمی زیرەکی دەستکرد دەتوانێت سەرچاوە و پشتگیری زیاتر پێشکەش بکات بۆ ئەوەی یارمەتیان بدات لە تێگەیشتن. ئەم ئاستە لە خۆکارکردن دەتوانێت ببێتە هۆی باشترکردنی دەرئەنجامەکانی خوێندکاران و زیادبوونی بەشداریکردن لە پرۆسەی فێربووندا.
- بە ئۆتۆماتیکی کردنی ئەرکە کارگێڕییەکان
ڕێگەیەکی دیکە کە دەکرێت زیرەکی دەستکرد بۆ باشترکردنی پەروەردە بەکاربهێندرێت بریتییە لە بە ئۆتۆماتیکیکردنی ئەرکە کارگێڕییەکان. بۆ نموونە، دەتواندرێت بۆ نمرە و هەڵسەنگاندنەکان بەکاربهێنرێت، ئەمەش کاتەکانی مامۆستایان زیاتر دەکات بۆ ئەوەی سەرنجیان لەسەر ئەرکەکانی تر بێت. هەروەها دەتواندرێت بەکاربهێنرێت بۆ بەدواداچوونی ئامادەبوون و پێشکەوتنی خوێندکاران، کە دەتوانێت یارمەتی مامۆستایان و کارگێڕان بدات لە بڕیاردان لەسەر داتاکان سەبارەت بە پشتگیری و ئەنجام و بەرەوپێشچوونی خوێندکاران.
- یارمەتیدان لە پلاندانانی پشوەختەی وانەکان
هەروەها دەتواندرێت بەکاربهێنرێت بۆ هاوکاریکردنی مامۆستایان لە پلاندانانی وانەکاندا. بۆ نموونە، دەتوانێت داتاکانی خوێندکار شی بکاتەوە و سەرچاوەی فێربوون پێشنیار بکات کە لەگەڵ ئامانجە تایبەتەکانی فێربووندا هاوتەریب بن. هەروەها دەتوانێت داتای ئاستی خوێندکاران شی بکاتەوە و پێشنیاری ڕێکخستنی پلانی وانەکان بکات بۆ ئەوەی باشتر پێداویستیەکان بۆ خوێندکاران ئامادە بکات. ئەمەش دەتوانێت یارمەتی مامۆستایان بدات و کاتیان بۆ پاشەکەوت بکات و دڵنیابن لەوەی وانەکانیان بەپێی پێویستی خوێندکارەکانیان گونجاوە.
- باشترکردنی دەست گەیشتن بە خوێندن
لە کۆتاییدا، زیرەکی دەستکرد توانای باشترکردنی دەست گەیشتن (ئەکسێسی) بە خوێندن بۆ خوێندکاران لە سەرانسەری جیهان هەیە. بۆ نموونە دەتوانرێت بەکاربهێندرێت بۆ دروستکردنی پلاتفۆرمی فێربوونی ئۆنلاین کە ڕێگە بە خوێندکاران دەدات لە هەر شوێنێکەوە دەستیان بە سەرچاوە پەروەردەییەکان بگات و کاری کۆرسەکان تەواو بکەن. ئەمە دەتوانێت بە تایبەتی سوودبەخش بێت بۆ ئەو خوێندکارانەی کە لە ناوچەگەلێکی دوورەدەست دەژین و دەستیان بە قوتابخانەکان نەگەیشتووە یان کێشەیان بۆ درووست بووە، چ بەهۆی نەبوونی بینای خوێندنەوە بێت یان نالەباری دۆخی ئەو شارە بەهۆی کەشی نالەبار و جەنگەوە، یان بۆ ئەو خوێندکارانەی کەمئەندامییان هەیە و بەشداریکردن لە پۆلە ئاساییەکان قورس بۆیان.
لە ئەنجامدا، زیرەکی دەستکرد توانای ئەوەی هەیە کە ئەزموونی پەروەردە بۆ خوێندکاران و مامۆستایان و کارگێڕان زۆر باشتر بکات. لە فێربوونی کەسییەوە تا بە ئۆتۆماتیکی کردنی ئەرکە کارگێڕییەکان، زیرەکی دەستکرد هێزی ئەوەی هەیە شۆڕشێک لە شێوازی بیرکردنەوەمان لە پەروەردەدا بکات. لەگەڵ بەردەوامبوونی پێشکەوتنی تەکنەلۆژیا. کەواتە دەتوانین چاوەڕوانی ئەوە بین لە ساڵانی داهاتوودا داهێنانی سەرنجڕاکێشتر لەم بوارەدا ببینین.
from کەی ئای تی ئێن https://ift.tt/LFkgetc
via IFTTT
