لە کۆنگرەی CES 2022 کۆمپانیای ئەیسووس پەردەی لەسەر بەرهەمێکی نوێی چەماوە لادا بە ناوی Zenbook 17 Fold OLED، بەڵام ئێستا و لە میانەی کۆنگرەی IFA 2022 بە تەواوەتی بەرهەمەکەی نمایش کرد، ئەم ئامێرە دەتوانرێت وەک تابلێت، مۆنیتەر، تەنانەت لاپتۆپیش بەکار بهێنرێت
خاوەن ڕوونمایەکی قەبارە 17.3 ئینجییە لە جۆری OLED بە ڕوونی 2560 * 1920 پێکسڵ و ڕووناکی تاوەکو 500 نیت، کاتێک ڕوونماکە دەکەیتەوە بە یارمەتی ئەو راگرەکەی لە پشتەوەی هەیە دەتوانرێت بوەستێنرێت و وەک مۆنیتەر بەکار بهێنرێت، هەروەها پشتگیری لە تەختەکلیلی بێتەل دەکات و بەمەش دەتوانرێت وەک کۆمپیوتەری سەرمێز بەکار بهێنرێت
دەتوانرێت بە چەند شێوازێک بچەمێنرێتەوە، ئەگەر وەک لاپتۆپ بەکار بهێنرێت ڕوونمایەکی قەبارە 12.5 ئینجی پێشکەش دەکات بە ڕوونی 1920*1080 پێکسڵ و کیبۆردی فیزیکی لە خۆ دەگرێت، هەروەها کار بە سیستەمی ویندۆز 11 دەکات
پرۆسێسەری Intel i7-1250U لەسەر جێگیر کراوە لەگەڵ گرافیکی ناوەکی Iris Xe، بیرگەی 1 تێرابایت SSD لە جۆری M.2 NVMe PCIe 4.0 و 16 گێگابایت ڕام لە جۆری LPDDR5 لە خۆ دەگرێت، هەروەها پاترییەکی لەسەر جێگیر کراوە کە بەرگەی 9 کاتژمێر و نیو کار کردن دەگرێت و پشتگیری لە بارگاوی کەرەوەی 65 وات دەکات و کێشی 1.5 کیلۆگرامە
ئەم بەرهەمە لە چارەکی چوارەمی ئەمساڵ بە نرخی 3,499 دۆلار و بە تەنها ڕەنگی ڕەش بەردەست دەخرێت
from کەی ئای تی ئێن https://ift.tt/2Q6RHxk
via IFTTT
