ئێدمۆدۆ گەورە سەکۆی سەرهێڵی فێرکردن بۆ مامۆستایان و خوێندکاران بە یەکجاری و دوای 15 ساڵ ڕووناکییەکانیان دەکوژێننەوە و ماڵئاوایی دەکەن! بەداخەوە!
ئێدمۆدۆ سەکۆیەکی سەرهێڵی خۆڕاییە و تایبەتە بە قوتابخانە و کۆلێژ و زانکۆکان تاوەکو مامۆستایان و خوێندکاران بتوانن پۆل دروست بکەن و لە ڕێگەیەوە پەیوەندیان هەبێت. ئێدمۆدۆ ١٥ ساڵ لەمەوبەر لە ١ی ٩ی ٢٠٠٨ دامەزرا و بەداخەوە ئەمڕۆ بە ئیمەیڵ هەواڵی داخستنی تۆڕەکەم پێ گەیشت کە بەیەکجاری لە ٢٢ی ٩ دادەخرێت. زۆر مایەی نیگەرانییە تۆڕێک دوای ١٥ ساڵ خزمەت و بوونی ١٠٠ ملیۆن بەکارهێنەر ڕووناکییەکانی بکوژێنێتەوە و بە یەکجاری ماڵئاواییمان لێ بکات.
من وەکو خۆم زۆر سودم لێی بینیوە و بگرە لە کۆرسەکانی تایبەت بە تەکنەلۆژیای پەروەردەیی هەمیشە یەکێک بووە لەو سەکۆیانەی بە بەشداربووانم ناساندووە بەوەی بە گشتی بەخۆڕایییە و زۆرترین تایبەتمەندی لە خۆی دەگرێت. بیرمە هەمیشە بەراوردم دەکرد بە گووگڵ کلاسڕووم بەوەی بۆ کویزەکانی کاتی تێدایە و هەروەها لە ناو پۆلەکانی دەتوانیت گروپی بچوک دروست بکەیت و ئەمانە و چەندین تایبەتمەندی تر.
هەواڵێکی ناخۆش بوو بەلامەوە و دڵتەنیگی کردم بەڕاستی!
سوپاس بۆ خزمەتی بەردەوامتان ماندوونەناسەکانی ئێدمۆدۆ!
سەردار عبدالله
ڕاهێنەری فێرکردنی ئەلیکترۆنی
مامۆستای زانکۆ – زانکۆی ڕاپەڕین
from کەی ئای تی ئێن https://ift.tt/3iDZ2Hs
via IFTTT
