براندی ئۆنەر سێ لاپتۆپی نوێی ڕاگەیاند

ئۆنەر سێ لاپتۆپی نوێی ڕاگەیاند بە تایبەتمەندی بەهێز، بە ناوەکانی MagicBook V14, 16, 16 Pro کە دوو دانەیان سەرنجی لەسەر لاپتۆپێکی کێش کەمە بە تایبەتمەندییەکی باش و دانەیەکیان ئاست بەرزە لە ڕووی تایبەتمەندییەوە

 

Honor MagicBook V 14

 

ئەم لاپتۆپە نوێیە دەبێتە یەکەمین لاپتۆپی براندەکە پرۆسێسەری پلاتفۆرمی Intel Evo 11 لەسەر جێگیر کرابێت کە پرۆسێسەری نەوەی یازدەهەمی ئێنتێڵ لە خۆ دەگرێت و گرافیک کاردی NVIDIA Geforce MX450 لەسەر جێگیر کراوە

ڕوونمایەکی قەبارە 14.2 ئینجی لە جۆری LTPS LCD بە ڕوونی 2520 * 1680 پێکسڵ و تێکڕای نوێ بوونەوەی 90 هێرتز لە خۆ دەگرێت، هەروەها ڕووناکی دەگاتە 400 نێت و کامێرایەکی 5 مێگاپێکسڵی لە خۆ دەگرێت

 

مۆدێلی بنچینەیی پرۆسێسەری Intel Core i5-1132H لەسەر جێگیر کراوە و مۆدێلی بەرزتر پرۆسێسەری Core i7-11390H لەسەر جێگیر کراوە، 16 گێگابایت ڕام لە جۆری LPDDR4x و 512 گێگابایت بیرگە لە جۆری SSD لە خۆ دەگرێت، هەروەها 2 پانکەی سارد کەرەوەی هەیە

 

سیستەمی وەگەرخەڕی ویندۆز 11 لەسەر جێگیر کراوە و یەکەمین لاپتۆپە کە ئەو سیستەمەوە بڵاو بکرێتەوە، پاترییەکی قەبارە 60Wh لە خۆ دەگرێت کە 15 کاتژمێر بەرگەی کار کردن دەگرێت

 

لاپتۆپەکە بە پرۆسێسەری Core i5-1132H و ڕامی 16 گێگابایت و بیرگەی 512 گێگابایت نرخی بریتییە لە 960 دۆلار و بۆ جۆری Core i7-11390H و هەمان بیرگە و ڕام بریتییە لە 1,238 دۆلار

 

Honor MagicBook 16, 16 Pro

 

ئەم دوو لاپتۆپە هەردووکیان هەڵگری ڕوونمای جۆری LCD بە تێکڕای نوێ بوونەوەی 144 هێرتز، پرۆسێسەری AMD Ryzen 7 5800H و گرافیک کاردی NVIDIA GeForce RTX 3050 لەسەر جێگیر کراوە، هەردووکیان قەبارەی ڕوونماکانیان 16.1 ئینجە و ڕووناکی تاوەکو 300 نێتە، بە بیرگەی 512 گێگابایت و ڕامی 16 گێگابایت بەردەست دەبێت

هەردووکیان پاترییەکی قەبارە 56Wh لە خۆ دەگرێت و پشتگیری لە بارگاوی کەرەوە بە هێزی 65 وات دەکات و نرخی بۆ جۆری ئاسایی بریتییە لە 805 دۆلار و بۆ جۆری پرۆ بریتییە لە 960 دۆلار

from کەی ئای تی ئێن https://ift.tt/3i9Je08
via IFTTT