وەک چاوەڕوان دەکرا، شاومی بە فەرمی زنجیرە تەلەڤزیۆنی Mi TV EA 2022 بە 7 قەبارەی جیاوازەوە لە چین نمایش کرد، دیزاینی هاوشێوەی نەوەی پێش خۆیەتی بەڵام تایبەتمەندییەکانی تاوەکو ڕادەیەک جیاوازن
زنجیرە تەلەڤزیۆنی Mi TV EA 2022 پانێڵی LCDـیە بە تێکڕای نوێ بوونەوەی 60 هێرتز و 178 پلە گۆشەی بینین، هەروەها ڕوونی ڕوونماکان لە هەموو قەبارەکاندا وەک یەک نین و جیاوازییان هەیە، بەهەمان شێوە، بڵندگۆ، ڕام، و زیاتریش جیاوازییان هەیە، هەموو مۆدێلەکان نوێترین ڕووکاری بەکارهێنەری MIUI بۆ سیستەمی وەگەڕخەری TV 3.0 بەکار دەبەن، هەروەها هەمان دەرچەی I/O لە خۆ دەگرن
لە مۆدێلی Mi TV EA32 2022ـەوە دەست پێ دەکەین، تاکە مۆدێلی زنجیرەکەیە ڕوونی ڕوونماکەی HD بێت، هەروەها هەردوو مۆدێلی Mi TV EA40 2022 و Mi TV EA43 2022 ڕوونی ڕوونماکانیان FHDـیە، هەروەها مۆدێلەکانی دیکە کە ماونەتەوە ڕوونی ڕوونماکانیان 4Kـیە
ئەو تەلەڤزیۆنانەی کە ڕوونیان HD و FHDـیە، چیپسێتی Amlogic 64-bit دوو ناووکی لەسەر جێگیر کراوە و GPUـی ARM Mali-450 MP2 لە خۆ دەگرن، هەروەها 1 گێگابایت بیرگە و 8 گێگابایت ڕام لە خۆ دەگرن، هەروەها ئەو تەلەڤزیۆنانەی کە ڕوونیان 4Kـیە چیپسێتی Amlogic 64-bit چوار ناووکی لەسەر جێگیر کراوە و 8 گێگابایت بیرگە و 1.5 گێگابایت ڕام لە خۆ دەگرن
لە چین لە ڕۆژی 25 ئەم مانگە دەست دەکرێت بە فرۆشتنی یەکەمین کۆمەڵە لەم تەلەڤزیۆنە نوێیانە بەم نرخانە:
Xiaomi Mi TV EA32 2022 – ¥999 ($153)
Xiaomi Mi TV EA40 2022 – ¥1,399 ($215)
Xiaomi Mi TV EA43 2022 – ¥1,499 ($230)
Xiaomi Mi TV EA50 2022 – ¥2,199 ($337)
Xiaomi Mi TV EA55 2022 – ¥2,399 ($368)
Xiaomi Mi TV EA65 2022 – ¥3,199 ($490)
Xiaomi Mi TV EA75 2022 – ¥4,999 ($766)
from کەی ئای تی ئێن https://ift.tt/3v2BSjl
via IFTTT
