هەشتەمین یاری زنجیرە یاری Resident Evil لە ڕێگایە، ئەمڕۆ لە میانەی بۆنەیەکی پەخشی سەرهێڵی، کۆمپانیای گەشەپێدەری یارییەکە Capcom ڕایگەیاند یاری Resident Evil Village نوێ لە ڕۆژی 7 مانگی 5 ئەمساڵ بەردەست دەبێت بۆ هەر یەکە لە PlayStation 5 و Xbox Series X و کۆمپیوتەر، هەروەها بۆ هەردوو کۆنسۆڵە پێشووەکانی پلەیستەیشن 4 و ئێکس بۆکس وەنیش بڵاو دەبێتەوە و ئەمڕۆ کۆمپانیاکە دیمۆیەک لە یارییەکە بۆ پلەیستەیشن 5 بەردەست دەخات و کۆمپانیاکە دەڵێت ”یارییەکە پشتگیری گواستنەوە دەکات لە پلەیستەیشن 4ـەوە بۆ سەر پلەیستەیشن 5 لە جۆری دیجیتاڵی، هەروەها پشتگیری تایبەتمەندی Smart Delivery دەکات بۆ ئێکس بۆکس Series X و ئێکس بۆکس Series S و ئێکس بۆکسە وەنەکان“
بۆنەکە یەکەمین پەڕەی ئاشکرا کردنی یارییەکە بوو، ئەگەر تەماشای ئەو وێنەیە بکەیت کەل ترایلەرە نوێیەکەی یارییەکە بکەیت کە کۆمپانیاکە بڵاو کردۆتەوە و لە سەرەوە دەبینرێت، جوان تەماشای ئەو قەڵایە دەکات کە لادییەکەی لێ درووست دەبێت، جگە لەوەی کۆمپانیاکە یاری RE تاکە کەسی راگەیاند، یاری Re:Verse ڕاگەیاند کە یارییەکی چەند کەسی(multiplayer)ـە و چەندین کارەکتەری سەرەکی لە جیهانی Resident Evil لە خۆ دەگرێت و هەر کەسێک یاری Resident Evil Village بکرێت ئەم یارییەی بە خۆڕایی بۆ بەردەست دەبێت
یارییەکە لە ساڵی پار لە میانەی بۆنەی پلەیستەیشن 5 ڕاگەیاندرا، وە لە کاتێکدا بڵاو دەبێتەوە کە زنجیرە یارییەکانی Resident Evil لە ئاستێکی بەرز دایە، ساڵی 2017 یاری Resident Evil 7 ڕاگەیاندرا کە ئاستێکی نوێ بوو بۆ یاری ترسناک و چیرۆکی یارییەکە، هەروەها وەشانی باشتر کراوی هەردوو یاری Resident Evil 2 و Resident Evil 3 بەردەست خرا، ئەمە جگە لەوەی تۆڕی نێتفلێکس کار لەسەر زنجیرەیەک دەکات کە سەر بە جیهانی Resident Evilـە
from کەی ئای تی ئێن https://ift.tt/39YoJ1T
via IFTTT
