لە دوای نمایش کردنی مۆبایلی Realme C17 بۆ جیهان، لە هیندستان Realme زنجیرەیەکی نوێی هێنایە کایەوە کە Realme Narzo 20ـە و لە سێ بەرهەم پێک دێت کە Realme Narzo 20A و Realme Narzo 20 و Realme Narzo 20 Proـن
:Realme Narzo 20A
سەرەتا لە هەرزانترینی زنجیرەکەوە دەست پێ دەکەین، خاوەنی سێ کامێرایە لە بەشی دواوەیدا بە شێوەی ستوونی و نۆچی شێوە دڵۆپەی لەسەر ڕوونما 6.5 ئینجییەکەی کە لە جۆری LCDـیە جێگیر کراوە کە کامێرای سێڵفی لە خۆ دەگرێت بە ڕوونی 8 مێگاپێکسڵ و چیپسێتی سناپدراگۆن 665 لەسەر جێگیر کراوە
هەروەها لە دواوەیدا کامێرای سەرەکی ڕوونی 12 مێگاپێکسڵە و دوو کامێرا بە ڕوونییەکانی 2 مێگاپێکسڵ لە خۆ دەگرێت بۆ ماکرۆ و قووڵی
خاوەن پاترییەکی قەبارە 5000 مللی ئەمپێر.کاتژمێرییە و دەرچەی بارگاوی کردنەوەکەی لە جۆری micro USBـیە واتە دەرچەی Type-C لە خۆ ناگرێت و پشتگیری بارگاوی کەرەوەی خێرا ناکات
بە دوو ڕەنگی جیاواز کە ڕەنگەکانی شین و سیلڤەرین و بە هەردوو بیرگەی 32 گێگابایت و 64 گێگابایت و ڕامی 3 گێگابایت و 4 گێگابایت بەردەست دەخرێت، نرخی بیرگەی 32 گێگابایت و ڕامی 3 بریتییە لە 115 دۆلار و نرخی بیرگەی 64 گێگابایت و ڕامی 4 گێگابایت بریتییە لە 130 دۆلار و لە 30 مانگ بەردەست دەخرێت
:Realme Narzo 20
دووەمین بەرهەمی زنجیرەکەیە و خاوەن ڕوونمایەکی قەبارە 6.5 ئینجییە لە جۆری LCD بە ڕوونی HD و نۆچێکی شێوە دڵۆپەی تێدا جێگیر کراوە کە کامێرای پێشەوە لە خۆ دەگرێت بە ڕوونی 8 مێگاپێکسڵ
هەڵگری چیپسێتی Mediatek Helio G85ـە و بە بیرگەی 64 گێگابایت و 128 گێگابایت و ڕامی 4 گێگابایت بەردەست دەخرێت و دەرچەی microSD لە خۆ دەگرێت
خاوەن 3 کامێرایە لە بەشی دواوەیدا بە ڕوونی 48 مێگاپێکسڵ کامێرای سەرەکی و 8 مێگاپێکسڵ بۆ گۆشە فراوان و 2 مێگاپێکسڵ بۆ ماکرۆ، پاترییەکی قەبارە 6000 مللی ئەمپێر.کاتژمێری لە خۆ دەگرێت و بارگاوی کەرەوەی 18 وات لە خۆ دەگرێت و پشتگیری بارگاوی کەرەوەی پێچەوانەش دەکات واتە توانای هەیە ئامێری تر بارگاوی بکاتەوە بە نموونە کاتژمێری زیرەک و مۆبایلی تر و هتد…
دووبارە بە هەمان شێوەی Realme Narzo 20A بە هەمان ڕەنگیش Realme Narzo 20 بەردەست دەخرێت و نرخی بیرگەی 64 گێگابایت و ڕامی 4 گێگابایت بریتییە لە 145 دۆلار و نرخی بیرگەی 128 گێگابایت و ڕامی 4 گێگابایت بریتییە لە نرخی 155 دۆلار و لە ڕۆژی 28 مانگ لە هیندستان بەردەست دەخرێت
:Realme Narzo 20 Pro
لە هەموویان بەهێزتر، هەمووان چاوەڕێی ئەوە دەکەن تایبەتمەندی باش و نرخی گونجاو لە مۆبایلێکدا کۆ ببێتەوە، هاوشێوەی Realme 7 و چەند مۆبایلێکی ئاست ناوەندی تر
هەڵگری چیپسێتی Mediatek Helio G95ـە و پشتگیری بارگاوی کەرەوەی 65 وات دەکات و بە بیرگەی 64 گێگابایت و 128 گێگابایت و ڕامی 6 گێگابایت و 8 گێگابایت بەردەست دەخرێت
خاوەن ڕوونمایەکی قەبارە 6.5 ئینجییە لە جۆری LCD بە ڕوونی +FHD و تێکڕای نوێ بوونەوەی 90 هێرتز و چاڵی ڕوونمای تێدا جێگیر کراوە کە کامێرای سێڵفی لە خۆ دەگرێت بە ڕوونی 16 مێگاپێکسڵ
لە دواوەیدا خاوەن 4 کامێرایە بە ڕوونی 48 مێگاپێکسڵ کامێرای سەرەکی و 8 مێگاپێکسڵ بۆ گۆشە فراوان و 2 مێگاپێکسڵ بۆ قووڵی و 2 مێگاپێکسڵ بۆ ماکرۆ، هەستەوەری پەنجەمۆر لەسەر دوگمەی کوژاندەوە و هەڵ کردن لە خۆ دەگرێت واتە لە تەنیشتە، خاوەن پاترییەکی قەبارە 4500 مللی ئەمپێر.کاتژمێرییە
بە هەردوو ڕەنگی سپی و ڕەش و نرخی 205 دۆلار بۆ بیرگەی 64 گێگابایت و ڕامی 6 گێگابایت و نرخی 230 دۆلار بۆ بیرگەی 128 گێگابایت و ڕامی 8 گێگابایت لە 25 مانگ بەردەست دەخرێت
from کەی ئای تی ئێن https://ift.tt/3mGupTG
via IFTTT
