دوای ئەوەی لە مانگی 5ـی ئەمساڵ لاپتۆپی Honor MagicBook Pro بە پرۆسێسەرەکانی ئێنتێڵەوە نمایش کران، ئەمڕۆ لە کۆنگرەی IFA لە وڵاتی ئەڵمانیا Honor سێ لاپتۆپی بە پرۆسێسەرەکانی ڕایزنەوە نمایش کرد
:Honor MagicBook Pro
هەڵگری پرۆسێسەری AMD Ryzen 5 4600Hـە و بە 512 گێگابایت لە جۆری SSD و ڕامی 16 گێگابایت لە جۆری DDR4 بەردەست دەخرێت و پرۆسێسەرەکە خۆی خاوەنی گرافیک کاردی ناوەکییە لە جۆری Vega graphics و سیستەمی ساردکەرەوەی دوو پانکەی بۆ دانراوە بۆ ساردکردنەوەی لاپتۆپەکە لە کاتی پێویست
لاشەکەی پێک هاتووە لە ئەلەمنیۆم و کێشی 1.7 کیلۆگرامە و خاوەن ڕوونمایەکی قەبارە 16.1 ئینجییە بە ڕوونی +FHD و ڕێژەی ڕوونما بۆ لاشەی لاپتۆپەکە بریتییە لە 90%
لە نێوان 7 بۆ 8ـی ئەم مانگەدا بە نرخی 900 یۆرۆ لە وڵاتانی شانشینی یەکگرتووی بەریتانیا و فەڕەنسا بەردەست دەخرێت
Honor MagicBook 14 and 15
هەردوو لاپتۆپی Honor MagicBook 14 و Honor MagicBook 15 هەڵگڕی پرۆسێسەری AMD Ryzen 5 4500U کە بە هەمان شێوەی پێشووتر خاوەن گرافیک کاردی ناوەکی خۆیەتی و بە بیرگەی 256 گێگابایت و 512 گێگابایت لە جۆری SSD و ڕامی 8 گێگابایت و 16 گێگابایت بەردەست دەخرێت
لاپتۆپی Honor MagicBook 15 خاوەن ڕوونمایەکی قەبارە 15.6 ئینجییە و لاپتۆپی Honor MagicBook 14 خاوەن ڕوونمایەکی قەبارە 14 ئینجییە و هەردووکیان ڕوونی ڕوونماکانیان بریتییە لە FHD
هەروەها هەردوو لاپتۆپەکە لاشەکانیان لە ئەلەمنیۆم پێک هاتووە و پشتگیری بارگاوی کەرەوەی 65 وات دەکەن کە لە نیو کاتژمێردا 50% پاتری لاپتۆپەکە بارگاوی دەکاتەوە و خاوەن دەرچەی جاکە
لاپتۆپی Honor MagicBook 14 لە شانشینی یەکگرتووی بەریتانیا و فەڕەنسا و ئەڵمانیا بە بیرگەی 512 گێگابایت و ڕامی 8 گێگابایت بە نرخی 750 یۆرۆ بەردەست دەخرێت و لاپتۆپی Honor MagicBook 15 لە مانگی 10 بە نرخی 700 یۆرۆ بۆ بیرگەی 512 گێگابایت و ڕامی 8 گێگابایت بەردەست دەخرێت، هۆکاری گرانتر بوونی نرخی Honor MagicBook 14 بوونی چەند دیارییەکە لە کاتی کڕینیدا، ئەگینا خۆی Honor MagicBook 15 گرانترە
from کەی ئای تی ئێن https://ift.tt/3lMbZ3k
via IFTTT
