هەریەکە لە کامێرا و بیستۆک و ڕیمۆت کۆنتڕۆڵ و بارگاویکەرەوە لەگەڵ PS5 نمایشکران - Home4T

Header Ads

Live Tv

هەریەکە لە کامێرا و بیستۆک و ڕیمۆت کۆنتڕۆڵ و بارگاویکەرەوە لەگەڵ PS5 نمایشکران

لە پاڵ ئاشکراکردنی دیزاینی سەکۆی PlayStation 5 لە لایەن کۆمپانیای Sony ـیەوە لە دوێنێ شەودا، کۆمپانیاکە ژمارەیەک ئامێری تایبەت بە سەکۆیە قەشەنگەکەی نمایشکردن، کە بریتین لە بیستۆکی سەر گوێیی بێوایەر و بارگاویکەرەوەی کۆنتڕۆڵی DualSense و کامێرا و ڕیمۆت کۆنتڕۆڵ.

با سەرەتا لە کامێراکەوە دەست پێ بکەین، لە جۆری HD ـیە و ڕوونی 1080 پێکسڵە، وەکو جێگرەوەی کامێرای سەکۆی PS4 نمایشکرا و ڕێگە بە یاریزانان دەدات پەیوەندی ببەستن لە ژوورەکانیاندا.

بیستۆکی سەر گوێیی بێوایەری Pulse 3D وەکو جێگرەوەی بیستۆکی سەر گوێیی PlayStation Gold نمایش کرا و پشتگیری لە دەنگی 3D دەکات – کە یەکێک لە دیارترین و نایابترین تایبەتمەندییەکانی سەکۆی PS5 ـە.

ڕیمۆت کۆنتڕۆڵێکی قەشەنگیش نمایش کرا، کە سووی لێ دەبیندرێت بۆ کۆنتڕۆڵکردنی دەنگ و ڤیدیۆ و خاوەن وەرگر (مایکرۆفۆن) ـی ناوەکی و کرداری دەنگییە. 4 دانە دوگمەی بێ نیشانە لە خوارەوەیدا بوونیان هەن، ئاشکرا نەکراوە و ڕوون نییە کە چ کردارێک ئەنجام دەدەن.

کۆتا بەرهەم، بریتییە لە DualSense Charging Station، کە کۆنتڕۆڵی DualSense ـی سەکۆیەکە بارگاوی دەکاتەوە و ڕۆڵی ڕاگریش دەبینێت، توانای دەبێت دوو دانە کۆنتڕۆڵی DualSense لە یەک کاتدا بارگاوی بکاتەوە، بەڵام ئەوەی ڕوون نییە ئەوەیە کە نازاندرێت دەرچەی USB-C بەکاردەهێنێت بۆ بارگاویکردنەوە یاخود نا. بە هەرحاڵ، دیزاینەکەشی هاوشێوەی کۆنتڕۆڵی DualSense و خودی سەکۆیەکەیە و پێکهاتووە لە ڕەنگەکانی ڕەش و سپی.

کۆمپانیای Sony نرخی هیچکام لەم ئامێرا نمایشکراوانەی ئاشکرا نەکرد، بەڵام لە هاوینی ئەمساڵدا لەگەڵ سەکۆی PS5 ـدا بەردەست دەکرێن.



from کەی ئای تی ئێن https://ift.tt/3fkModY
via IFTTT
Thank You For Subscribe
ماڵیک بۆ تەکنۆلۆژیا لەسالێ ٢٠١٥ دامەزراوە تا ئیستا بەردەوامبەو بەکۆمەڵی ئەدمینی شارەزا خزمەتی بواری تەکنەلۆژیا ئەکات و شایەنی باسە " ئەم ئەکاونتە تایبەتە بەو کەسانەی کە بابەت ئەنیرن بۆ ماڵیک بۆ تەکنۆلۆژیا بەم ئیمێلە بابەتەکانتان بنیرن . haloselman@gmail.com بەناوو ناونیشانی خۆتان بابەتەکە بڵاو ئەکرێتەوە ..