فلتەرێکی کامێرا لە مۆبایلی OnePlus 8 Pro ـی نوێدا دۆزراوەتەوە، کە هەرگیز پێشتر لە مۆبایلی دیکەدا بەدی نەکراوە و توانای هەیە ناوەوەی ماددە پلاستیکییەکان و تەنانەت ژێر جلیش ببینێت.
بەڕێز Ben Geskin لە تویتەر جریوەیەکی ڤیدیۆیی بڵاوکردووەتەوە و فلتەرێکی نوێی کامێرای مۆبایلی OnePlus 8 Pro ـی بەدیار خستووە و لەسەر ئامێری Apple TV تاقی کردووەتەوە، کە توانای هەیە بە شێوەیەکی ئاشکرا بەشی ناوەوەی ئامێرە پلاستیکییەکە (Apple TV) نیشان بدات. هەر وەک چۆن تیشکی X-Ray ئێسک و بەشەکانی دیکەی ژێر پێست دەردەخات.
One of the best examples
#OnePlus8Pro Color Filter Camera can see through some plastic pic.twitter.com/UkaxdyV6yP
— Ben Geskin (@BenGeskin) May 13, 2020
تەنانەت کەناڵی Unbox Therapy ـیش لە یوتیوب ڤیدیۆیەکی نایابی لەسەر فلتەری کامێرای مۆبایلەکە درووست کردووە و ناوەوەی ڕیمۆت کۆنتڕۆڵ و ژێر جل بەدیار دەخات لە ڕێگەی فلتەرەکەوە.
وا دیارە ئەو ئامێرانەی کە خاوەن هەستەوەری تیشکی ژێر سوورن، دەتوانرێت بۆ هەمان مەبەست بەکاربهێندرێن. هەر وەک Guilherme Rambo، گەشەپێدەری ئەپ، توانی لە ڕێگەی هەستەوەری TrueDepth ـی کامێرای پێشەوەی دواین ئایفۆنەکان، ناوەوەی ماددە پلاستیکییەکان ببینێت، هاوشێوەی OnePlus 8 Pro (پێدەچێت پێویست بە جەیڵبرەیک بکات تاوەکو ئەمە لە ئایفۆنەکاندا ئەنجام بدرێت).
Turns out the TrueDepth camera can also have the “X-ray” effect with some plastics. Here it is showing the insides of an Apple TV 4K. (Thanks @HarckerTech for the idea) pic.twitter.com/R8x8Bu4yPv
— Guilherme Rambo (@_inside) May 14, 2020
بەڵام ڕەنگە ئەمە کێشەی تایبەتمەندێتی بۆ کۆمپانیای وەنپڵەس درووست بکات، چونکە دەتوانرێت فلتەرەکە بۆ بینینی ژێر جلیش بەکاربهێندرێت، هەر وەک لە ڤیدیۆکەی کەناڵی Unbox Therapy لە سەرەوە بەدیار خرا.
پێگەی The Verge تاقیکردنەوەی لەسەر فلتەری مۆبایلەکە کردووە و بۆیان دەرکەوتووە کە کارکردنی فلتەرەکە لەسەر ماددە پلاستیکییەکان سنووردارە و تەنها لەسەر ئەو ماددە پلاستیکییانە کار دەکات کە ڕەش و تەنکن.
ئەگەر مۆبایلی OnePlus 8 Pro ـت هەیە، ئەپی Camera بکەرەوە و لە بەشی فلتەرەکاندا “Photochrom” هەڵبژێرە، لە پاشان کامێرای مۆبایلەکە بخەرە سەر ماددە پلاستیکییە ڕەشەکان و ئەم ئەزموونە تاقی بکەوە.
from کەی ئای تی ئێن https://ift.tt/3e0AzIT
via IFTTT
