چەند خولەکێک بەر لە ئێستا، ماڵپەڕی فەرمی زانکۆی پۆلیتەکنیکی سلێمانی ڕووبەڕووی هاککردن بووەوە.
هاککەرێک کە ناوی لە خۆی ناوە xPro، توانی بەربەستی ئاسایشی ماڵپەڕی فەرمی زانکۆی پۆلیتەکنیکی سلێمانی تێکبشکێنێت و بچێتە ناو ماڵپەڕی زانکۆکەوە. دەست بەجێ پەڕەی سەرەکی ماڵپەڕەکەی دەستکاری کردووە و تێیدا بە زمانێکی زبر داوا لە بەڕێوەبەڕایەتی زانکۆیەکە دەکات خوێندنی سەرهێڵی ڕابگرن. هاوکات بەشێک لە کێشەی خوێندکارانیشی خستووەتە ڕوو سەبارەت بە خوێندنی سەرهێڵی.
تاوەکو ئێستا ماڵپەڕی زانکۆیەکە بەو شێوەیە و لە ژێر دەستی هاککەرەکەدا ماوەتەوە.
بە پێی ئەو زانیارییانەی دەستمان کەوتوون، بە داخەوە ئەمە بۆ جاری سێیەمە تەنها لە ماوەی 4 مانگدا ماڵپەڕی فەرمی زانکۆیە ناوبراوەکە ڕووبەڕووی هاککردن ببێتەوە.
from کەی ئای تی ئێن https://ift.tt/2xy5VY4
via IFTTT
