تویتەر کار لەسەر زیادکردنی بژاردەیەک دەکات بۆ سنووردارکردنی وەڵامدانەوەکان بۆ جریوەکان - Home4T

Header Ads

Live Tv

تویتەر کار لەسەر زیادکردنی بژاردەیەک دەکات بۆ سنووردارکردنی وەڵامدانەوەکان بۆ جریوەکان

لە ئێستادا تۆڕی تویتەر سەرقاڵی تاقیکردنەوەی ڕێگایەکە بۆ ئەوەی بتوانیت خەڵکی سنووردار بکەیت بۆ وەڵامدانەوەی جریوەکانت. ئەگەر بەشێک بیت لەم تاقیکردنەوەیە، ئەوا بژاردەیەک لە کاتی نووسینی جریوەکان دەبینیت، کە توانای هەیە ڕێگە بە وەڵامدانەوەی جریوەکانت لە لایەن هەمووان، ئەو کەسانەی شوێنیان کەوتوویت یاخود ئەو کەسانەی ناوت هێناون (مێنشنت کردوون) بدات.

تویتەر لە مانگی کانوونی دووەمی ئەمساڵدا ئەم تایبەتمەندییەی ڕاگەیاند و گوتی لە ساتەوەختێکی کۆتاییەکانی ئەمساڵدا بۆ بەکارهێنەرانی لە سەکۆیە جیاوازەکان بەردەست دەکرێت.

تویتەر لە هەژماری فەرمی خۆیشی جریوەیەکی گاڵتە ئامێزی بە بەکارهێنانی سنووردارکردنەکە بڵاوکردووەتەوە و نوسیوویەتی: “ئەگەر ئەپێکی باشتر هەیە، لە بەشی وەڵامدانەوە بینووسە”.

ئەگەر وەڵامدانەوە بۆ جریوەکەت سنووردار بکەیت، ئەوا هەمووان دەتوانن جریوەکەت ببینن و لایک و ڕیتویتی بکەن، بەڵام ناتوانن وەڵامدانەوە بنووسن. هەروەها تویتەر نووسینێک لەو جریوانەش بەدیار دەخات کە بە یەکێک لە بژاردەکانی سنووردارکردنی لە لایەن هەمووان، ئەو کەسانەی شوێنیان کەوتوویت یاخود ئەو کەسانەی ناوت هێناون (مێنشنت کردوون) بڵاوت کردوونەتەوە.

تویتەر دەڵێت تەنها کۆمەڵەیەکی کەم لە بەکارهێنەرانی لە سەکۆیەکانی iOS و Android و وێب ئەم تایبەتمەندییەیان بۆ زیاد کراوە. ڕێکەوتی بەردەستکردنی بۆ هەمووان نەزاندراوە، بەڵام پێناچێت ماوەیەکی زۆر بخایەنێت.



from کەی ئای تی ئێن https://ift.tt/2ATw8BF
via IFTTT
Thank You For Subscribe
ماڵیک بۆ تەکنۆلۆژیا لەسالێ ٢٠١٥ دامەزراوە تا ئیستا بەردەوامبەو بەکۆمەڵی ئەدمینی شارەزا خزمەتی بواری تەکنەلۆژیا ئەکات و شایەنی باسە " ئەم ئەکاونتە تایبەتە بەو کەسانەی کە بابەت ئەنیرن بۆ ماڵیک بۆ تەکنۆلۆژیا بەم ئیمێلە بابەتەکانتان بنیرن . haloselman@gmail.com بەناوو ناونیشانی خۆتان بابەتەکە بڵاو ئەکرێتەوە ..