کۆمپانیای شاومی پێشتر مۆبایلەکانی Mi 10 و Mi 10 Pro ـی لە چین ڕاگەیاندبوون و بەردەستی کردبوون، بەڵام بە هۆی پڕۆسێسەرەکانیانەوە نرخیان کەمێک بەرز بوون. کۆمپانیاکە وەشانێکی نرخ نزمتری لە زنجیرە مۆبایلەکە بە ناوی Xiaomi Mi 10 Youth بە کامێرای دووربینی و پڕۆسێسەری Snapdragon 765G ـەوە ڕاگەیاند.
مۆبایلی Xiaomi Mi 10 Youth یەکەمین مۆبایلی کۆمپانیای شاومییە کە خاوەن کامێرای دووربین ببێت. ڕێکخستنی کامێراکانی لە پشتەوە بە بەراورد بە Mi 10 و Mi 10 Pro جیاوازە و لە ناو چوارچێوەیەکی ڕەشدا جێگیر کراون.
خاوەن ڕوونمایەکە بە قەبارەی 6.57 ئینج لە جۆری AMOLED و بە ڕوونی +FHD و هەستەوەری پەنجەمۆر لە ژێر ڕوونماکەیدا جێگیر کراوە. لەسەر ڕوونماکەی خاوەن نۆچی دڵۆپەییە و کامێرایەکی بە ڕوونی 16 مێگاپێکسڵ لەسەر جێگیرکراوە.
لە پشتەوە خاوەن 4 دانە کامێرایە بە ڕوونییەکانی 48 و 8 و 8 و 2 مێگاپێکسڵ، کامێرای دووەمی لە جۆری دووربینە و توانای هەیە 50 هێندە دیمەنەکان نزیک بکاتەوە. پشتگیری لە تۆمارکردنی ڤیدیۆ دەکەن بە ڕوونی تاوەکو 4K.
مۆبایلی Xiaomi Mi 10 Youth لە ناوەوە بە پڕۆسێسەری Qualcomm Snapdragon 765G بەهێز کراوە و پشتگیری لە نەوەی پێنجەمی پەیوەندی 5G دەکات، وە خاوەن ڕامی 6 و 8 گێگابایتی و بیرگەی ناوەکی 128 و 256 گێگابایتی و پاترییەکە بە توانستی 4,160 ملی ئەمپێر بە پشتگیری لە بارگاویکردنەوەی خێرا بە توانای 22.5 وات.
گرنگترین تایبەتمەندییەکانی مۆبایلی Xiaomi Mi 10 Youth:
- ڕوونما:
- قەبارە: 6.57 ئینج.
- جۆر: AMOLED.
- وردی نیشاندان: 1080 بە 2400 پێکسڵ.
- دیزاین:
- نۆچ: هەیە.
- چاڵی ژێر ڕوونما: نییە.
- پڕۆسێسەر: (Qualcomm Snapdragon 765G (7 nm.
- گرافیک: Adreno 620.
- ڕام: 6 و 8 گێگابایت.
- بیرگە: 128 و 256 گێگابایت.
- ئەستووری: 7.9 میلیمەتر.
- کێش: 192 گرام.
- پاتری: 4,160 ملی ئەمپێر/کاتژمێر.
- بارگاویکردنەوە: تەکنەلۆژیای بارگاویکردنەوەی خێرا بە توانای 22.5 وات.
- کامێرای پشتەوە:
- سەرەکی: 48 مێگاپێکسڵ بە تیرەی f/1.8 و لە جۆری Wide.
- دووەم: 8 مێگاپێکسڵی دووربینی بە تیرەی f/3.4 و لە جۆری Telephoto.
- سێیەم: 8 مێگاپێکسڵ بە تیرەی f/2.2 و لە جۆری Ultra Wide.
- چوارەم: 2 مێگاپێکسڵ بە تیرەی f/2.4 و لە جۆری macro.
- کامێرای پێشەوە(سێڵفی):
- سەرەکی: 16 مێگاپێکسڵ لە جۆری Wide.
- هەستەوەری ئاسایشی: هەستەوەری پەنجەمۆر لە ژێر ڕوونما.
- دەرچە: USB-C – بیستۆک.
- ڕایەڵە: 5G/LTE – Wi-Fi 802.11 a/b/g/n/ac – dual-band – Wi-Fi Direct – hotspot – Bluetooth 5.0.
- تایبەتمەندی NFC: هەیە.
- تایبەتمەندی Radio: نییە.
- سیمکارت: دووانە سیمکارت.
- ڕەنگ: پڕتەقاڵی کاڵ – شینی شاتوویی – سەوزی چایی – پەمەیی کاڵ – قاوەیی.
- سیستەمی کارپێکەر: ڕووکاری MIUI 12 (بنچینەکراو لەسەر Android 10).
- حاڵەتی بەردەستبوون: بەردەست نییە.
- ڕێکەوتی بەردەستبوون: 30 ـی نیسان.
- نرخ: دەست پێدەکات لە 300$.
نرخی مۆبایلی Mi 10 Youth لە 300$ دەست پێدەکات و بەرزترین نرخی 395$ دەبێت. وا بڕیارە لە ڕێکەوتی 30 ـی ئەم مانگە لە بازاڕەکانی چین بەردەست بکرێت بۆ کڕین.
from کەی ئای تی ئێن https://ift.tt/3aHCEaX
via IFTTT
