سەرجەم ئەم بابەتە لەماڵپەری وێبچین وەرگیراوە بەسووپاسەوە
وێبچین وێبیکی کوردی باشتر
قوتابخانەیەک بۆ ویبدارشتن
وێب فۆنتی کوردی چییە و بۆچی بەکار دێت؟
ساڵانێکی زۆر لە مێژنییە کە بۆ بەکاربردنی فۆنتی ئاسایی لەسەر وێب کارێکی زۆر دژوار و کاتبەر بوو، پێویستی دەکرد فۆنتەکان بە فلاش یان وێنە درووست کرابان و دواتر لەسەر وێب بەکارببرایەن. وێبی چەند ساڵی ڕابردوو توانای پیشاندانی هەموو فۆنتێکیان نەبوو. لەگەڵ پەرەپێدانی CSS و بەتایبەت پاڵپشتی کردنی وەشانەکانی نوێی CSS وەک وەشانی سێیەم تایبەتمەندی @font-face زۆر کراوە کە کێشەی سەرەوە و ساڵانێکی زۆر چارەسەر دەکات.
وێب فۆنتی کوردی لە وێبچن سەرچاوەیەک دەبێت بۆ هەر وێبداڕێژێک کە بیەوێت فۆنتی کوردی جوان و جیاواز لە نێو ماڵپەڕەکەی بەکارببات و دڵنیا بێت کە لە هەموو وێبگەڕەکاندا بە درووستی و شێوازی درووست دەردەکەوێت. بەکاربردنی فۆنتەکان پێویستی بە هیچ شێوازێکی کۆد نووسین نییە، تەنیا یەکێک لە دێڕەکانی خوارەوە ڕوونووس بکە و لە نێو ماڵپەڕەکەت/پرۆژەکەت بەکاری ببە.
وێب فۆنتەکان لەسەر هەموو سیستەمەکان، زمانەکانی داڕشتنی ماڵپەڕ و پرۆگرامنووسین، هەموو وێبگەڕەکان هەردوو Desktop و Mobile کار دەکات.
چۆنیەتی بەکارهێنان
١، یەکێک لە فۆنتەکان هەڵبژێرە، لە پێشدا دەتوانیت کرتە لە دووگمەی نموونە لە تەنیشت هەر فۆنتێک بکەیت بۆ بینینی نموونەی ئەو فۆنتە بە زیندوویی. بۆ نموونە ئەگەر بمانەوێت فۆنتی Chimen بەکار ببەین، کۆدی تایبەت بە CSS ی فۆنتەکە ڕوونووس دەکەین و لە بەشی سەرەوەی ماڵپەڕەکەمان لە نێوان تاگەکانی و دادەنێین.
٢، ئەگەر بمانەوێت نووسینەکانی نێو DIV کە Class ی text ی هەبێت بە فۆنتی Chimen دەربکەوێت، بە شێوازی خوارەوە دەیگۆڕین،
.text{font-family:"Unikurd Chimen";}
کۆتایی. ئەگەر بتەوێت فۆنتەکە وەک فۆنتی سەرەکی بۆ هەموو ماڵپەڕەکەت، پرۆژەکەت بەکار ببەیت دەتوانیت لەگەڵ تاگی body بانگی بکەیت
body{font-family:"Unikurd Chimen";}
نموونەی کۆدی پەڕەیەکی تەواو و ئامادە کە فۆنتی Hejar بەکار دەبات
نموونەی وێب فۆنتی Unikurd Chimen وێبچن. وێبێکی کوردی باشتر
وێب فۆنتەکان
بۆ چالاک کردنی هەر فۆنتێک لە نێو ماڵپەڕەکەت یان پرۆژەکەت، کۆدی یەکێک لە فۆنتەکانی خوارەوە Copy بکە و دواتر لە نێوان تاگی head لە سەرەوەی پەڕەی HTML ـەکەت دایبنێ.
