ئەپڵ لە مانگی ٤ وەشانی نوێی iOS 11 بەشێوەی تاقیکاری بڵاوکردەوە بۆ گەشەپێدەران و بەکار‌هێنەران وە لە مانگی ٩ بە شێوەی فەرمی بڵاوکرایەوە بۆ هەموو ئەو ئامێرانە پشتگری 64bt ئەکەن. لەم وەشانە کۆمەڵێ گڕانکاری زۆر ڕوویدا هەر لە سکوێریتی هەتا ڕووکاری وەشانەکەش بە تەواوەتی گۆڕانکاری بەخۆیەوە بینیوە.
لێرە باسی 25 گۆڕانکاری ئەکەین لە ئەپی ڕیکخستن Setting کە پێویستە بیانزانی.
١- دەسکاری کردنی بەشی کۆنترۆڵ سەنتەر
لەم وەشانە نوێیە بەشی کۆنترۆڵ سەنتەر زۆرترین گۆڕانکاری بە خۆیەوە بینیوە، لەم وەشانە ئەتوانی فرمانی زیاتری بۆ زیاد بکەیت و ئیشیان پێ بکەیت، وە ئەپڵ لەم وەشانە تایبەتمەندی فەرمانی خێرا 3D Touch زیادکردوە بۆ ئایفۆن 6 ئایفۆن 5S لە بەشی کۆنترۆڵ سەنتەر. وە بۆ دەسکاریکردنی پێویستە بچیتە Setting دواتر Control Center دواتر Customize Controls لێرە ئەتوانی دەسکاری بەشی کۆنترۆڵ سەنتەر بکەیت و فەرمانی بۆ زیاد بکەیت و کەمی بکیتەوە
٢- بێ ئاگا بوونی موبایلەکەت لە کاتی شۆفێری کردن
ئەم تایبەتمەندیەش لە وەشانی iOS 11 زیادکرا واتا کاتێ کە تۆ شۆفێری ئەکەیت و ئەم تایبەتمەندیە ئیش پێئەکەت ئەوا بۆ زیاتر سەلامەتیت هیچ ئاگاداریەکت پێ ناگات تا ئەو کاتەی خۆت ئەم تایبەتمەندیە ئەوەستێنی وە ئەگەر پەیوەندیشت بۆ بێت ئەوا خودکارانە موبایلەکە پەیوەندیەکە ئەگەڕێنێتەوە و نامەیەک بۆ ئەو کەسە ئەنێرێت کە پەیوەندی کردوە وە ئەتوانی دەسکاری نامەکەش بکەیت. بۆ دۆزینەوەی ئەم تایبەتمەندیە پێویستە بچیتە Setting دواتر Do not Distrub وە دواتر لە بەشی Active ئەتوانی دەسکاری بکەی.
٣- بەشی خەزێنە یان زاکیرە
لەم وەشانە گۆڕانکاری بەسەر بەشی خەزێنە هاتووە کاتێ ئەچیتە Setting دواتر General دواتر iPhone or iPad Storage بەشێوەیەک جیاواز ئەپەکان و گۆڕانکاریەکانت نیشان ئەدات.
٤- ئاگادارکردنەوەی پڕبوونی خەزێنە و کوژانەوەی ئەپەکان بە شێوەیەکی خودکارانە
هەر لە بەشی خەزێنە کاتێ نزیک ئەبێتەوە لە پڕ بوون ئەوا بەشێوەیەکی خودکارانە سیستەمەکە ئەو ئەپانە ئەکوژێنێتەوە کە ماوەیەکی زۆرە بەکار نەهاتوون و وەک ئەوە وایە کە ئەپەکەت سڕیبێتەوە وە بۆ دووبارە ئیش پێکردنەوەی ئەچیتە ئەپەکە و ئیش پێ ئەکەیتەوە.
٥- وەستانی ئەپەکان لە ئیش کردن پاش لاچوون لەسەری
لەم وەشانە نوێیە ئەگەر بچینە General دواتر Background App Refresh ئەتوانین ئەو ئەپانە دیاری بکەین کە کاتێک لا چوین لەسەری ئیتر لە ئیشکردن بوەستن بەمەش قورسایەکەی کەمتر ئەکەوێتە سەر موبایلەکە و هێڵی ئینتەرنێتەکە.
٦- کوژاندنەوەی موبایلەکە بەبێ دوگمەی پاوەر
ئەگەر بچینە General لە خواری خوارەوە ئەبینین لە ژێر بەشی ڕێست دوگمەی کوژاندنەوەی مبایل زیادکراوە ئەمەش زۆر باشە بۆ ئەو موبایلانەی کە دوگمەی پاوەریان لە ئیش کەوتوە.
٧- زایدکردنی بەشی AirDrop لە General
لە وەشانەکانی پێشوو بەشی AirDrop تەنگا لە کۆنترۆڵ سەنتەر هەبوو بەڵام لەم وەشانە لەبەشی General بەشێکی بۆ زیادکراوە.
٨- زیادکردنی بەشی Multitasking و بەشی Dock بۆ General لە ئایپاد
لەم وەشانە نوێیە گۆڕانکاری کراوە لە بەشی دۆک و مەڵتی تاسکینگ کە ئەم ٢ بەشە زیاد کراون لە General و ئەتوانی دەسکاری بکەی.
٩- تێکەڵ کردنی بەشی Siri لەگەڵ Search Section لە یەک بەشدا بە ناوی Siri & Search
لەم وەشانە هەردوو بەشی Siri و Search Section کراون بە یەک بەش لە Setting بە ناوی Siri & Search
١٠- بەشی فریاکەوتنی خێرا بە شێوەیەکی تازە
ئەم بەشە بەتەواوی نوێکراوەتەوە و ئێستا ئەتوانی دەسکاری بکەیت و چۆنێت بەکارهێنانەکەی بە ویستی خۆت ڕێک بخەیت
١١- وەستاندنی لە خۆوە کراونەوەی ڤیدیۆ لە ئەپ ستۆر
هەروەک و پێشتر وتمان کە لەم وەشانە سەرجەم بەشەکان بە تەواوی نوێ کراونەتەوە و هەروەها ئەپی AppStore بەهەمان شێوە نوێ کراوەتەوە وە کاتێک لە AppStore ئەچیتە سەر ئەپێک کە لە پشتەوەی ڤیدیۆ هەبێت ئەوا خودکارانە ڤیدیۆکە ئەکرێتەوە بەڵام لە Setting ئەتوانی ئەم کردارە بوەستێنی وەک لە وێنەکە دیارە.
١٢- وەستاندنی هەڵسەنگاندنی ئەپەکان و پیاچونەوەکانی AppStore لە Setting
هەروەک لە خاڵی پێشوو ئاماژەمان پێکرد کە ئەپی ئەپستۆر گۆڕانکاری بەخۆیەوە بینیوە وە هەروەها لە Setting ئەتوانی بەشی هەڵسەنگاندن و پیچونەوەکان بوەستێنی لە ئەپستۆر.
١٣- دانانی ئەکاونتی نوێ جگە لە ئایکڵاود
لە Setting بەشیک زیاد کراوە بە ناوی Accounts & Passwords کە ئەتوانی جگە لە ئایکڵاود ئەکاونتی دیکە وەک سکوێریتی بەکاربێنی.
١٤- نەهاتنی ئەو نامانەی کە مەترسیدارن
ئەپڵ لەم وەشانە لە بەشی نامەکان لە ڕێکخستنی موبایلەکەت بەشێکی تازەی زیادکردوە وەک لە وێنەکە دیارە ئەویش بریتیە لەوەی کە موبایلەکە خودکارانە ئەو نامانە ئەسڕێتەوە کە مەترسیداربن.
١٥- زیادکردنی بەشی Live Photos بۆ FaceTime
ئەپڵ تایبەتمەندی Live Photosی بۆ ئەپی FaceTime زیاد کرد کە ئەتوانی لە کاتی پەیوەندی بەکاریبێنی وە لە Setting ئەتوانی ئەم تایبەتمەندیە ئیش پێ بکەی
١٦- زیادکردنی ٣ تایبەتمەندی دیکە بۆ سەفاری
ئەپڵ لەم وەشانە ٣ تایبەتمەندی دیکەی بۆ سەفاری زیادکردوە کە خودکارانە خۆیان ئیش ئەکەن بەڵام بۆ کوژاندنەوەی پێویستە بچیتە Settings دواتر Safari دواتر ٣ تایبەتمەندیە نوێیەکە ئەبینی ئەوانیش Prevent Cross-Site Tracking, Block All Cookies, Camera & Microphone Access.
١٧- گواستنەوە وێنە و ڤیدیۆ بۆ کۆمپیتەر
ئەپڵ لەم وەشانە شێوەی وێنەکانی لە JPG گۆڕی بۆ HEIF کە هەمان دیقە و جوانی پێشووی هەیە و قەبارەشی کەمترە لە پێشوو وە لە کاتی گواستنەوەی بۆ کۆمپیتەر خودکارانە ئەگۆڕێتەوە بۆ JPG بەڵام بۆ ڕێگری لەمە ئەتوانی لە بەشی Photos لە خوار خوارەوە Automatic بگۆڕی بۆ Keep Originals بەمەش وێنەکانت تێک ناچن
١٨- تایبەتمەندی QR Code
ئەپڵ لەم وەشانە تایبەتمەندی QR Code زیادکرد کە ئەتوانی لە ڕێی کامێرای موبایلەکەتەوە ئەو جۆرە کۆدانە سکان بکەیت و موبایلەکە ئەتوانێ بیان خوێنێتەوە وە بۆ کوژاندنەوە یاخود گەڵکردنی پێویستە بچیتە بەشی Camera لەوێ دەسکاری بکەی
١٩- کوژاندنەوەی Game Center بە تەواوی
ئەپڵ لەم وەشانە ڕێگەی بەبەکارهێنەرانی داوە تا بتوانن بە تەواوی ئەپی Game Center بکوژێننەوە بۆ ئەمەش پێویستە بچیتە بەشی Game Center لەوێ بیکوژێنیتەوە.
٢٠- دۆزینەوەی ئەپە ٣٢ بتەکان
وەک ئاشکرایە کە وەشانی iOS 11 تەنها بۆ ئامێرە ٦٤ بتەکان ئەبێت و بۆ ئامێرە ٣٢ بتەکان نابێت وە هەروەها ئەم وەشانە پشتگیری ئو ئەپانە ناکات کە ٣٢ بتن وە بۆ بینینی ئەو ئەپانەی ٣٢ بتن پیویستە بچیتە بەشی General دواتر About دواتر Applications وە لێرە هەموو ئەوئەپانەت پیشان ئەدات کە لە موبایلەکەتن و ٣٢ بتن.
٢١- بەرز و نزمی ڕوونی ڕوونما (شاشە)
ئەپڵ لەم وەشانە تایبەتمەندی ڕوناکی ڕوونمای خودکار لە بەشی Display & Brightness گواستۆتەوە بۆ بەشی Accessibility وە لەوێ لەبەشی Display Accommodations دایناوە.
٢٢- تایبەتمەندی Smart Invert
ئەپڵ لەم وەشانە تایبەتمەندی Smart Invert ی زیادکرد کە زۆر نزیکە لە شێوازی تاریک Dark Mode وە بۆ ئیشپێکردنی ئەم شێوازە ناوێیە پێویستە بچیتە بەشی General دواتر Accessibility دواتر Display & Accommodations دواتر Invert Colours دواتر لێرە ئیش بەم تایبەتمەندیە بکەیت یان بیکوژێنیتەوە.
٢٣- نوسین لە سیری
یەکێکی دیکە لە تایبەتمەندیەکان iOS 11 بریتیە لە نوسین لە ناو سیری بۆ ئەوەی ئەم تایبەتمەندی ئیشبکات پێویستە بچیتە General دواتر Accessibility وە دواتر Siri لەوێ ئەتوانی ئەم تایبەتمەندیە ئیش پێ بکەیت یان بیکوژێنیتەوە.
٢٤- خودکارانە جوابدانەوەی پەیوەندیەکان
هەروەها یەکێکی تر لە تایبەتمەندیەکانی ئەم وەشانە بریتیە لەوەی کە ئەتوانی هەرکاتێک پەیوەندیت پێوە کرا موبایلەکە خۆی جواب باتەوە وە خۆشت کاتەکەی بۆ دا ئەنێیت بۆ ئیشپێکردنی ئەم تایبەتمەندیە پێویستە بچیتە General دواتر Accessibility وە دواتر Call Audio Routing وە دواتر Auto-Answer Calling لێرە ئەتوانی ئیش بەم تایبەتمەندیە بکەیت و کاتەکەی بۆ دانێیت.
٢٥- پیشان نەدانی نوسینی ئاگاداریەکان
یەکێکی تر لە تایبەتمەندیەکانی ئەم وەشانە بریتیە لە بەشێکی تازە کە لە بەشی Notification زیادکراوە وە کاری ئەم بەشە ئەوە کە کاتێک بۆ نمونە نامەیەکت لە مەسنجەرەوە پێ ئەگات بەشێکی نامەکە دیارە بەڵام لەم بەشە ئەتوانی ئەوەش نەهێڵی تەنها ئەنوسرێت Notification وەک لە وێنەکەی سەرەوە دیارە، بۆ ئیش پێکردنی ئەم تایبەتمەندیە پیویستە بچیتە بەشی Notification دواتر بەشی Show Previews وە ئەتوانی لێرە وای لێبکەیت تەنها کە موبایلەکە کرابێتەوە وابێت یان هەموو کات وابێت یان هیچکاتێک وا نەبێت
ئەمە ٢٥ گۆڕانکاری بوو لە ئەپی ڕێکخستەن (Settings) تۆ کام گۆڕانکاریت بە دڵ بوو لە کۆمێنت بینوسە
ئامادەکردنی: مەشخەڵ سەرپەرشتیاری بەشی iOS
