ڤاڵڤ ڕکابەری ئێکس بۆکس و پلەیستەیشنی نمایش کرد

ئەمڕۆ ڤاڵڤ چەندین بەرهەمی نوێی نمایش کرد و لە نێویاندا نەوەی دووەمی Steam Machine هەبوو کە بۆ ڕکابەری ئێکس بۆکس و پلەیستەیشن درووست کراوە. ئەم کۆنسۆڵە تواناکەی 6 هێندەی Steam Deck ـە و ڤاڵڤ دەڵێت دەتوانیت تەواوی یارییەکانی کۆگای ستیم کار پێ بکەیت لە ڕێگەیەوە. ئەم کۆنسۆڵە کار بە سیستەمی Steam OS دەکات کە بە پێی وتەی ڤاڵڤ بێت بە تەواوەتی گونجێندراوە بۆ یاری کردن.

کۆنسۆڵەکە خاوەن پرۆسێسەر و گرافیگ کاردی دەستکاری کراوی کۆمپانیای AMD ـیە بە پێی وتەی کۆمپانیاکە توانای هەیە یارییەکان تاوەکو ڕوونی 4K و 60 وێنە لە چرکەیەکدا کار پێ بکات. ڕامەکەی 16 گێگابایتە و بە هەردوو بیرگەی 512 گێگابایت و 2 تێرابایت بەردەست دەبێت. 

دەرچەی HDMI 2.0 هەیە بۆ پەیوەست کردن بە مۆنیتەر و تەلەڤزیۆنی زیرەکەوە. هەروەها 5 دەرچەی USB جیاوازی هەیە. نرخی کۆنسۆڵەکە لە ئێستادا ئاشکرا نەکراوە لە سەرەتای ساڵی داهاتوو بەردەست دەبێت.

from کەی ئای تی ئێن https://ift.tt/HE731mJ
via IFTTT