کۆمپانیای ئێڵ جی بە نمایش کردنی زنجیرە مۆنیتەری MyView کە تایبەتمەندی smart TV لە خۆ دەگرێت، دەیەوێت ڕکابەری مۆنیتەری Samsung M8 بکات.
زنجیرەکە لە سێ مۆدێلی جیاواز پێکدێن، 85، 83U و 70U. بە گشتی تایبەتمەندییەکانیان هاوشێوەین، جگە لە چەند جیاوازییەکی کەم نەبێت. هەرسێ مۆدێلەکە قەبارەیان 31 ئینجە و ڕوونیان 4K و لە جۆری IPS و پشتگیری لە HDR10 دەکەن. هەروەها بە سیستەمی WebOS 23 کار دەکەن، کە ئەپەکانی ،وەک، نێتفڵێکس و دیزنی پڵەس … هتد لە خۆ دەگرێت. لەگەڵ ئەپەکانی Microsoft 365 و Google Calendar.
مۆدێلی 70U ڕووناکی تاوەکو 350 نیتە، بەراورد بە دوو مۆدێلەکەی دیکە کە ڕووناکیان دەگاتە 400 نیت. هەروەها چوارچێوەکەی لە دوو جۆرەکەی دیکە زیاترە و ڕاگر (Stand)ـەکەی جێگیرە، لە کاتێکدا دوو مۆدێلەکەی دیکە، چوارچێوەیان کەمترە و ڕاگرەکانیان جوڵاوە.
مۆدێلی 85U وێبکامێک لە خۆ دەگرێت بە توانای ڤیدیۆ تۆمارکردنی 1080p، لە کاتێکدا دوو مۆدێلەکەی دیکە وێبکام لە خۆ ناگرن و دەبێت بە جیا بۆیان بکڕیت. تاکو ئێستا نرخییان نەزانراوە و ئێڵ جی بەم زووانە نرخەکان ئاشکرا دەکات.
from کەی ئای تی ئێن https://ift.tt/0EaNK7q
via IFTTT
